Գործատուն կտուգանվի, բայց չի կարող չպատվաստված ու թեսթի արդյունք չներկայացրած աշխատողին գործից ազատել

Հոկտեմբերի 1-ից աշխատանքի ներկայացող քաղաքացիները պետք է կամ պատվաստված լինեն կամ 14 օրը մեկ ներկայացնեն կորոնավիրուսի դեմ թեսթի արդյունքները: Այսօր այս մասին «Արմենպրես»-ի մամուլի սրահում եւս մեկ անգամ հիշեցրեց առողջապահության նախարարության Հիվանդությունների վերահսկման եւ կանխարգելման ազգային կենտրոնի Վարակիչ եւ ոչ վարակիչ հիվանդությունների համաճարակաբանության վարչության պետ Ռոմելլա Աբովյանը: Նա ասաց, որ հանրապետությունում համաճարակային իրավիճակը մնում է լարված: ԱՆ մասնագետի խոսքով, վերջին 14 օրվա դեպքերը համեմատելով նախորդ 14 օրվա դեպքերի թվի հետ՝ պարզ է դառնում, որ ունենք 18 տոկոսով աճ: Ասաց նաեւ, որ եթե չձեռնարկենք միջոցառումներ՝ առաջիկա 7 օրերի ընթացքում կունենանք 5930 նոր դեպք. «Այս դեպքերից 30 տոկոսը կհոսպիտալացվեն, իսկ 3 տոկոսը կունենա ինտենսիվ թերապիայի կարիք»: Ռոմելլա Աբովյանն ասաց, որ սահմանափակումները նոր դեպքերը կանխելու, հակահամաճարակային իրավիճակը մեղմելու նպատակով են եւ արդեն նկատվում է պատվաստվել ցանկացողների թվի աճ: Վիրուսի տարածումն, ըստ տիկին Աբովյանի, առաջացնում է առողջապահական եւ տնտեսական ծանր բեռ:
Եթե քաղաքացին հրաժարվում է պատվաստվել եւ ոչ էլ թեսթի արդյունքներ է ներկայացնում, ապա, ըստ ՀՀ առողջապահական եւ աշխատանքի տեսչական մարմնի Հիգիենիկ, սանիտարահիգիենիկ եւ հակահամաճարակային վերահսկողության վարչության պետ Աննա Հարությունյանի, այդ մասին կպարզի տեսչական մարմինը՝ ստուգայցերի միջոցով: Առաջին հերթին վերահսկող մարմինը կայցելի այն հիմնարկները, որտեղ կարձանագրվեն կորոնավիրուսի 3 եւ ավելի դեպքեր, բացի այդ՝ կընտրվեն մարդաշատ վայրերը, մասնավորապես՝ առեւտրի կենտրոնները. «Դա չի նշանակում, որ մյուս տնտեսվարողների մոտ ստուգայցեր չեն իրականացվելու: Ստուգայցերը կլինեն պատահական եւ որեւէ մեկը տեղյակ չէ, թե որ գործատուին պետք է այցելեն: Կստուգեն 17-Ն հրամանի բոլոր պահանջները եւ որեւէ պահանջի խախտման դեպքում գործատուն կենթարկվի տուգանքի»: Ըստ Աննա Հարությունյանի, ֆիզիկական անձանց դեպքում տուգանքը առաջին անգամ կկազմի 10-20 հազար դրամ, իրավաբանական անձանց դեպքում՝ 40-120 հազար դրամ: Եթե տվյալ գործատուի մոտ խախտումները շատ լինեն, ապա տեսչական մարմինը կարող է շաբաթվա ընթացքում կրկին այցելել նույն տնտեսվարողին՝ պարզելու համար որքանով են վերացվել դրանք: ՀՀ աշխատանքի եւ սոցիալական հարցերի նախարարության Աշխատանքի եւ զբաղվածության վարչության պետ Ժորա Սարգսյանի խոսքով, եթե խնդիրը դիտարկենք աշխատանքի օրենսդրության համատեքստում, ապա չկա որեւէ կարգավորում, պահանջ, որի արդյունքում գործատուն կարող է աշխատողին ազատել աշխատանքից, եթե նա չի պահպանել հրամանով նախատեսված պահանջները: «Պետությունը որպես գործատու, Հանրային ծառայությունների օրենքի նախագիծ է շրջանառել, որով հստակ գործում են այդ կարգավորումները՝ համաձայն որի, եթե աշխատողը չի թեստավորվում եւ 30 օր աշխատանքի չի ներկայանում, ապա գործատուն կարող է նրան աշխատանքից ազատել: Եթե նախագիծն ընդունվի, նոր՝ դրանից հետո կոնկրետ հնարավոր կլինի հանրային պաշտոն զբաղեցնող անձանց նկատմամբ նման կարգավորումներ կիրառել: Իսկ եթե խոսում են այն անձանց մասին, որոնց հետ հարաբերությունները կարգավորվում են Աշխատանքային օրենսգրքով, այլ ոչ թե ոլորտային օրենքով, ապա այս մասով չկա որեւէ կարգավորում, չկա անգամ նախագիծ, որ պետք է փոփոխություն լինի».-ասաց Ժորա Սարգսյանը: Նրա խոսքով, այդուհանդերձ, դրանք չեն դիտարկվում, որպես աշխատող-գործատու իրավահարաբերություններ եւ ավելի շատ դիտարկվում է հանրային առողջության տեսանկյունից: Աննա Հարությունյանը, հղում անելով Վարչական իրավախախտումների վերաբերյալ օրենսգրքին, ասաց՝ մասնավոր լինի, թե պետական, միեւնույն է, գործատուն տուգանվելու է. «Սանիտարական նորմերի չպահպանելը առաջացնում է տուգանքի որոշում՝ ֆիզիկական եւ իրավաբանական անձանց նկատմամբ»: Թե ինչու ուսանողներին չի վերաբերում այս կարգավորումը, Ռոմելլա Աբովյանն ասաց, որ յուրաքանչյուր որոշում կայացվում է՝ ելնելով համաճարակային առկա իրավիճակից. «Այս պահի դրությամբ տեսնում ենք, որ 25 տարեկանից բարձր տարիքային խումբն է հիվանդանում: Իսկ 25-ից 55 տարեկան տարիքային խումբը կազմում են աշխատողների հիմնական մասը: Հաջորդիվ կքննարկվի նաեւ այլ տարիքային խմբերում պատվաստման հարցը»:

Ամբողջական հոդվածը կարող եք կարդալ այս հասցեով՝ https://www.aravot.am/2021/09/22/1217406/

© 1998 - 2021 Առավոտ – Լուրեր Հայաստանից

Ucom-ն առաջարկում է ձեռք բերել տան անվտանգությունն ապահովող XIAOMI խելացի հավաքածուն Առանց Հայաստանի ու Արցախի մարտունակ զորքերի որևէ բանակցություններում հաջողության հասնելու հնարավորություն չունենք. Տիգրան Աբրահամյան Միայն օրհնանք վաստակելու խոստումներով իշխանության հասածներն այսօր ճնշում են իրենց անիծողներին. Արմեն Նավասարդյան Խաչիկ Ասրյան. Ով կարող է հավակնել Հայաստանի հաջորդ Վարչապետի պաշտոնին Ձկնագողերը «նոր Հայաստանում» ճանապարհ են փակում Սրանց հետ ո՞նց կարելի է հարցի քննարկում կամ լուծում պատկերացնել. Աննա Մկրտչյան Միացեք Երևանում Շուշիի փողոցի անվանակոչման պահանջով ստորագրահավաքին Ձեր համայնքում Զանգեզուրի պղնձամոլիբդենայինի նոր սեփականատիրոջ բաժնետոմսերը հայտնվել են կալանքի տակ IDBank-ն ու ԵՊՀ-ն ամփոփեցին Գևորգ Արշակյանի անվան կրթաթոշակի մրցույթը Մենք նոր ծրագիր ունենք UN Armenia - ՄԱԿ-ի հայաստանյան գրասենյակի հետ համատեղ. Նարինե Մանուկյան Շոուն շարունակվում է. Արմեն Աշոտյան ԱԱԾ-ն սահմանված ժամկետում հարցադրումներիս չի արձագանքել.Տիգրան Աբրահամյան Չե՞ս ջոկել, որ չեմ լռելու ու քո վերջը ամեն կերպ մոտեցնելու եմ, грёбанный евнух.Արմեն Աշոտյանը`Փաշինյանին Ավինյանը մասնագիտական կարողություններ չունի ԶՊՄԿ–ն ղեկավարելու համար .Վահե Հակոբյան Միջազգային համաժողով. ինչպե՞ս Հայաստանում զարգացնել օրգանական գյուղատնտեսությունը ԵՄ-ն՝ Թուրքիայի մասին. ի՞նչ պետք է իմանանք մենք. Արմեն Աշոտյան Հաճախորդները կարող են ապառիկ գնումներ կատարել ՎՏԲ-Հայաստան Բանկի ավելի քան 600 գործընկեր կազմակերպությունների վաճառակետերում Պետական կառավարման համակարգ գոյություն ունի՞, թե՞ ոչ. Տիգրան Աբրահամյան ԱրարատԲանկի միանգամայն նոր մոբայլ հավելվածը գործարկման փուլում է Հանդիպում համաշխարհային սպորտի լեգենդ, օլիմպիական եռակի չեմպիոն Ալեքսանդր Կարելինի հետ. Գ․Ծառուկյան
website by Sargssyan