Ռեպրեսիվ մեքենան պարբերաբար ճաքեր է տալիս․ Ավետիք Չալաբյանի ուղերձը

«Նիկոլ Փաշինյանի վարչակարգն ամեն քայլափոխի պետք է հանդիպի կազմակերպված, գիտակից քաղաքացիների դիմադրությանը մինչև այն սկսի տեղի տալ, հարգել նրանց իրավունքները, մինչև մեր երկրում խաղի կանոնները փոխվեն ի օգուտ մարդու և հավաքական ազգային շահի»,- «ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանն է բանտից հղել այդ ուղերձը, որը երեկ կայացած քննարկման ընթացքում ընթերցել է նրա կինը՝ Անահիտ Ադամյանը։

Ավետիք Չալաբյանն արձանագրում է, թե վարչակարգի պարագլուխ Նիկոլ Փաշինյանն ու իր անմիջական կամակատարները չեն կարող հաշտվել այն գաղափարի հետ, որ Հայաստանի անհատ քաղաքացին ընդունակ է ոչ միայն բաց ճակատով ընդդիմանալ իրենց, այլև օրենքի ուժով պաշտպանել իր հիմնարար ազատության իրավունքը։ Չալաբյանը հիշեցնում է իշխանությունների կողմից դատարանների շրջափակումը, հակասահմանադրական ճանապարհով ՍԴ զավթումը, շանտաժի միջոցով ԲԴԽ-ին իրեն ենթարկեցնելը, իրավապահ մարմիններում մոլեռանդ կամակատարներին պաշտոնների նշանակելը։

«Այս ամենն արվել է, որ ստեղծի մոնոլիտ ռեպրեսիվ մեքենա, և նրա միջոցով բռնաճնշումներ իրականացնեն ազգային պայքարի դուրս եկած ու վարչակարգի պարտվողական ուղեգիծը չհանդուրժող քաղաքացիների ու կազմակերպությունների հանդեպ, սակայն Հայաստանում այսօր հալածանքի են ենթարկվում ոչ միայն նրանք, այլև բանտարկված է արդարադատությունը»,- նշել է Ավետիք Չալաբյանն ու հավելել, թե վարչակարգի կամակատարները կարող են մարդ սպանել և շարունակել մնալ ազատության մեջ, իսկ մնացած քաղաքացիները զրկված են օրինական ճանապարհով սեփական շահերն ու իրավունքները պաշտպանելու նույնիսկ տեսական հնարավորությունից․ «Մենք դրան չէինք արժանի, մենք արժանի էինք ապրել այնպիսի երկրում, որտեղ դատարանները անկախ են գործադիր իշխանությունից, երկրում, որտեղ մարդու ազատությունը սահմանափակվում է ծայրահեղ դեպքում և օրինական դատավճռով, երկրում, որտեղ գերիշխում է սահմանադրությունը»։

Այդուհանդերձ, Ավետիք Չալաբյանը ընդգծում է, որ ռեպրեսիվ բուրգը պարբերաբար ճաքեր է տալիս, դրա արդյունքում իրեն հաջողվեց կարճատև ազատության դուրս գալ։ Նա մանրամասն փաստում է, որ Հայաստանի Հանրապետության քաղաքացին ունի բոլոր հնարավորություններն իշխանությունից հեռացնելու փաշինյանական վարչախմբին՝ լիովին օրինական մեթոդներով։

Ըստ էության, Չալաբյանի այս ուղերձը ևս մեկ փորձ է հասնելու հասարակության ողջամիտ և գիտակից քաղաքացիների բանականությանը, բացատրելու նրանց, որ իրավիճակն ամենևին էլ անհուսալի և անդառնալի չէ, և հնարավոր է ոտքի կանգնելով հեռացնել փաշինյանական ապիկար վարչախմբին իշխանությունից և իսկապես արդարացի երկիր ստեղծել։

Հակոբ Այվազյան

Հոլանդացի գիտնականների նոր գյուտը՝ խթան արևային էներգիայի արտադրության համար Ավետիք Չալաբյանի դատական նիստը. ՈՒՂԻՂ Ոչ մի խաղաղության պայմանագիր չի փրկի Հայաստանը, եթե իշխանության մնա Փաշինյանը, իսկ Ադրբեջանում՝ Ալիևը. Չալաբյան Միայն զենքո՛վ է հնարավոր վերականգնել և պաշտպանել Հայաստանի տարածքային ամբողջականությունը. ստեղծել 100.000-անոց ԱԶԳ-ԲԱՆԱԿ Այցելելու եմ Աջափնյակ վարչական շրջան՝ բնակիչների հետ ծանոթանալու, նրանց կարիքները հասկանալու ու լուծումներ քննարկելու համար. Տիգրան Ավինյան Ռուս գիտնականները նոր բաղադրիչով ավելի արդյունավետ են դարձնում արևային մարտկոցները «Սեփական ռեսուրսների շուրջ 34 տոկոսը պետք է 50 տոկոսի հասցնել. արևային էներգիայի պոտենցիալը շատ մեծ է»․ «Փաստ» Ելքը Հայաստանի դեպքում ռազմականացումն է, ասածս, ցավոք, ուշացումով է տեղ հասնում. Ավետիք Չալաբյան Մեր փոքրիկ ու վտանգված հայրենիքի ապագան հերթական անգամ կախված է կրկին փոփոխվող աշխարհակարգի դաժան սցենարներից. Արտակ Զաքարյան Բելգիայում արևային մարտկոցների շնորհիվ վարձավճարների խնայելու միջոց են գտել Եթե հույսդ սանկցիաներն են հարևան երկրի նկատմամբ, ապա դա ոչ մի արդյունք, բացի «բարոյական հաղթանակից» չի տալու. Կարեն Քոչարյան Հնդկաստանի հետ գործարքը դիվերսիֆիկացնում է Հայաստան զենքի մատակարարումների աշխարհագրությունը. Ավետիք Չալաբյան Հայաստանում հիմնվել է խխունջաբուծության առաջին ֆերման Արա Աբրահամյանը՝ Լևոն Տեր-Պետրոսյանի մասին Զանգեզուրի պղնձամոլիբդենային կոմբինատի պաշարները կարող են օգտագործվել մինչև 100 տարի և ավելի. փոխտնօրենի հարցազրույցը Սգում և խոնարհվում ենք կործանարար պատերազմի հետևանքով անմահացած մեր հերոս եղբայրների հիշատակի առաջ․ Հենրիխ Դանիելյան Անհապաղ պետք է բանակցողին փոխենք. Վահե Հակոբյան 2020-ի սեպտեմբերի 27-ին Ադրբեջանը սանձազերծեց արցախյան երրորդ պատերազմը՝ 44 օր տևած արյունալի արհավիրքը Նիժնի Նովգորոդում գործարկվել է արևային էներգիայով աշխատող առաջին լուսացույցը Կոմիտաս Վարդապետի 153-ամյակի առթիվ այսօր Հայր Ասողիկ աբեղա Կարապետյանը հոգեհանգստյան կարգ անցկացրեց Կոմիտասի պանթեոնում
website by Sargssyan