Աճ, որը բոլորովին էլ դրական չէ
ՀՀ զբոսաշրջության կոմիտեն երեկ ցուցանիշ է հրապարակել, որը գործող իշխանությունների համար «հպարտության» նոր պատրվակ է դարձել, թեպետ, իրականում, ուրախանալու որևէ առիթ չկա։
Ըստ կոմիտեի, 2024 թ.-ի հոկտեմբերին ՀՀ այցելած զբոսաշրջիկների թիվը նախորդ տարվա նույն ժամանակահատվածի համեմատ ավելացել է 8414-ով։ Այս տարվա հոկտեմբերին Հայաստան է այցելել 203,810 զբոսաշրջիկ, մինչդեռ նախորդ տարվա նույն ժամանակահատվածում` 195,396։ Դեպի Հայաստան առավել շատ զբոսաշրջային այցելություններ գրանցվել են Ռուսաստանից (43 %), Վրաստանից (11 %) և Իրանից (7 %):
Մեկ տարուց ավելի զբոսաշրջիկների թիվն անշեղորեն նվազում է արձանագրում։ Հոկտեմբերի վերջին Ազգային ժողովում ֆինանսների նախարար Վահե Հովհաննիսյանը հայտնել էր, թե ընթացիկ տարվա հունվար-սեպտեմբեր ամիսներին ՀՀ այցելած զբոսաշրջիկների թիվը նվազել է 6,9 տոկոսով։ Ըստ նախարարի, դա հիմնականում պայմանավորված է ՌԴ-ից զբոսաշրջիկների թվի 21,6 տոկոս նվազմամբ։
Կոնկրետ հոկտեմբեր ամսվա ընթացքում արձանագրված աճը, ըստ մասնագետների, այն պատճառով է, որ արդեն 2023 թ. հոկտեմբերին շեշտակի անկում էր գրանցվել, և բնական է, որ այս տարվա հոկտեմբերին չնչին աճ կարող էին ներկայացնել, բայց արդեն տարեկան կտրվածքով, երբ ցուցանիշները լինեն, իշխանությունների համար բարդ է լինելու բացատրելը, թե ինչու են նվազում զբոսաշրջիկները։ Իսկ զբոսաշրջիկների թվի նվազման պատճառները բազմիցս նշել ենք՝ գների թանկությունը, ռուսական «ՄԻՐ» քարտերը չսպասարկելու բանկերի որոշումը, հայ-ռուսական հարաբերությունների որոշակի վատթարացումը։ Եվ դա է պատճառը, որ ռուս զբոսաշրջիկները, որոնք Հայաստան այցելողների առյուծի բաժինն են ապահովում, նախընտրում են հանգստանալ այլ երկրներում։
Մարգարիտա Իվանյան
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Կապանում ունենալու ենք վիեննական վալս. Սեւակ Ավանեսյան
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Կան մարդիկ, որոնց հանդիպելուց հետո երկար ժամանակ չես կարողանում ազատվել այն ջերմությունից, որ թողնու...
Ու՞մ շահերից էր գործում Փաշինյանը փաստացի փչացնելով հարաբերությունները․ հարցում
Կուրթան. խնդիրներից դեպի լուծումներ․ Նարեկ Կարապետյան
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...