«Երաժշտություն հանուն ապագայի» հիմնադրամի երեխաները՝ IDBank-ում
Օրերս IDBank-ը «Երաժշտություն հանուն ապագայի» հիմնադրամի կրթական ծրագրի 10 մասնակիցներ այցելեցին Բանկ, ծանոթացան կառույցին ներսից և հանդիպում ունեցան Բանկի վարչության նախագահ Մհեր Աբրահամյանի հետ, ով հանդիսանում է Հիմնադրամի Հոգաբարձուների խորհրդի անդամ։ Հիշեցնենք, որ շուրջ երկու տարի առաջ «Երաժշտություն հանուն ապագայի» հիմնադրամի կրթական ծրագիրը «Մի դրամի ուժի» շահառուն էր, իսկ Բանկի և Իդրամի հետ համագործակցության արդյունքում ընկերություններն ավելի քան 6 միլիոն դրամ էին նվիրաբերել հիմնադրամի ծրագրերի իրականացմանը։ Բացի այդ, IDBank-ը մշտապես հիմնադրամի կողքին է տարբեր նախաձեռնություններում։
Հանդիպման ընթացքում երեխաները պատմեցին իրենց ստեղծագործական ձեռքբերումների ու հաղթանակների մասին, լսեցին մոտիվացնող խոսքեր։ Այնուհետև IDBank-ի վարչության նախագահը երեխաների հետ ունեցավ ֆինանսական գրագիտության թեմայով հետաքրքիր զրույց։
«Շատ ուրախ էինք հյուրընկալել մեր տաղանդավոր երեխաներին հենց մեր հարկի տակ։ Մենք ունեցել ենք շատ գեղեցիկ համագործակցություն մի քանի տարբեր նախաձեռնությունների, ինչպես նաև «Մի դրամի ուժի» շրջանակում, և այսօրվա հանդիպումը վկայում է, որ մենք մշտապես ուշադրության կենտրոնում ենք պահում մեր շահառու ծրագրերի մասնակիցներին։ «Երաժշտություն հանուն ապագայի» հիմնադրամը շատ կարևոր գործ է անում՝ կրթելով երեխաներին։ Մենք էլ որոշեցինք նպաստել այդ գործընթացին և ֆինանսական գրագիտության մասին խոսել: 21-րդ դարում, բազմաթիվ գիտելիքների, ունակությունների հետ մեկտեղ մեր երեխաներին նաև ֆինանսական գրագիտության հիմունքներն է կարևոր սովորեցնել, և երեխաների այսօրվա ոգևորիչ արձագանքը հենց դրա մասին է վկայում»,- նշեց IDBank-ի վարչության նախագահ Մհեր Աբրահամյանը։
«Երաժշտություն հանուն ապագայի» հիմնադրամի տնօրեն Աննա Տեր-Հովակիմյանի խոսքով՝ IDBank և Իդրամ ընկերությունների հետ համագործակցության շնորհիվ հիմնադրամի շահառու երեխաներն ունեցել են բազմաթիվ կրթական ու զարգացնող ծրագրեր։ «Շատ-շատ են ծրագրերը, որոնք կարողանում ենք իրականացնել միասին և շատ շնորհակալ են դրա համար։ Ինչ վերաբերում է այսօրվա միջոցառմանը, ապա հանդիպումների այս ձևաչափը նոր ենք սկսել, քանի որ ցանկանում ենք ծանոթացնել երեխաներին այն մարդկանց ու գործընկերների հետ, ովքեր ներդրում են կատարում իրենց կրթության ու զարգացման մեջ։ Նաև մեր գործընկերներն են անձնապես ծանոթանում մեր երեխաների հետ, ճանաչում իրենց շահառուներին։ Ցանկացած մասնագիտությամբ մարդ պետք է լինի ֆինանսապես կրթված, իսկ երբ ֆինանսների մասին տեղեկությունը երեխաները ստանում են առաջին դեմքերից, այն շատ ավելի ընկալելի ու հիշվող է դառնում»։
Ավանդույթի համաձայն, միջոցառմանը ներկա է եղել նաև ֆինանսների աշխարհում երեխաների հավատարիմ ուղեկից և ընկեր Իդրամ Ջունիորն, ով իր նվերներով երեխաների համար կարևոր օրը վերածեց տոնի։
ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Կապանում ունենալու ենք վիեննական վալս. Սեւակ Ավանեսյան
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Կան մարդիկ, որոնց հանդիպելուց հետո երկար ժամանակ չես կարողանում ազատվել այն ջերմությունից, որ թողնու...
Ու՞մ շահերից էր գործում Փաշինյանը փաստացի փչացնելով հարաբերությունները․ հարցում
Կուրթան. խնդիրներից դեպի լուծումներ․ Նարեկ Կարապետյան
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...