Սարգիսը միայնակ էր ապրում, ձմեռ պապիկի շորեր էր հագնում ու գյուղի երեխաներին ուրախացնում․ մանրամասներ ողբերգական դեպքից
Դեկտեմբերի 4-ին ողբերգական դեպք է տեղի ունեցել Արմավիրի մարզում։ Արևաշատ գյուղի Էրեբունի փողոց 1-ին նրբանցքում մայրը հայտնաբերել է որդու դին։
Մահացածը նույն հասցեի բնակիչ 37-ամյա Սարգիս Չատինյանն է։ Պարզվել է նաև, որ թոշակառու մայրը որդու դին բերանքսիվայր ընկած վիճակում հայտնաբերել է նույն օրը, ժամը 16։45-ի սահմաններում, Արևաշատ գյուղի Էրեբունի փողոցի 76 հասցեում հոսանքի 6 հազար վոլտ սնուցման մետաղյա կայանի մեջ, հոսանքի վահանի դիմաց։
Oragir.News-ը կապ հաստատեց Արևշատի վարչական ղեկավար Արփենիկ Վարդանյանի հետ, ով մեզ հետ զրույցում պատմեց, որ մահացածը համեստ, ձեռք մեկնող տղամարդ է եղել։
«Սարգիսը միայնակ էր ապրում։ Ամուսնացած էր, մի զավակ ուներ, բայց կնոջից ու երեխայից առանձին էր ապրում։ Մոր և քրոջ հետ շփում ուներ, դե՝ մի գյուղից են։ Հողագործություն էր անում, մեզ էլ շատ էր օգնում։ Վատ բան չեմ տեսել։
Ավելին՝ Ձմեռ պապիկի շորեր էր հագնում ու գյուղի երեխաներին ուրախացնում։ Մայրը մոլորված քայլում էր և տղայի անունն էր տալիս, չէր կարողանում հանգստանալ։ Ինչպես բոլոր դեպքերում, այս դեպքում ևս ամբողջ գյուղը բնակչի կողքին կլինի»,-ասաց տիկին Վարդանյանը։
Հավելնք, որ 37-ամյա Սարգիս Չատինյանի հոգեհանգիստը կլինի վաղը՝ դեկտեմբերի 6-ին։
Աղքատությունը Հայաստանում 600 հազար մարդու դռանն է կանգնած. Նարեկ Կարապետյան
Սանիտարական ավիացիա՝ կյանքեր փրկելու համար․ Հայաստանին անհրաժեշտ է առնվազն 10 բժշկական ուղղաթիռ․ Հրա...
Չեմ խնդրելու ինձ ընտրել, բայց պատրաստ եմ աշխատել բոլորիդ հետ. Դավիթ Ղազինյան
Այս իշխանության օրոք քաղբանտարկյալ չլինելը ամոթ է. Դավիթ Ամալյան
Եթե ապօրինաբար խլվում է մասնավոր սեփականությունը, բացասաբար է ազդում օտարերկրյա ներդրումների վրա
Քննչական կոմիտեն ամեն օր հատում է բոլոր հնարավոր կարմիր գծերը. Դավիթ Սարգսյան
Մարոկկոյում ձերբակալվել են տասնյակ անօրինական միգրանտներ՝ Սեուտա հասնելու փորձի ժամանակ
«Հանրային դաշինքը» օգոստոսի 23-ին հանրային քննարկում կանցկացնի՝ քաղաքական հետապնդումների թեմայով
Իմ ստեղծածը փորձում են ներկայացնել որպես անարդար ունեցվածք. Ծառուկյանի ուղերձը ՔԿՀ-ից
Ավետիք Չալաբյանի նման կիրթ, ընկերասեր, ընտանիքին նվիրված քաղաքացու կերպար բոլոր երկրները կերազեն ուն...