Նորույթ Ստեփանակերտի ռուսական դրամատիկական թատրոնում․ ներկայացում հրավիրված ռեժիսորի բեմադրությամբ
Ընդլայնելով ստեղծագործական գործունեության սահմանները, Ստեփանակերտի ռուսական դրամատիկական թատրոնը 2024 թվականի դեկտեմբերի 9-ին և 10-ին երևանյան հանդիսատեսի և հայկական մայրաքաղաքի հյուրերի դատին կներկայացնի «Չափազանց ամուսնացած տաքսիստը» ներկայացումը Ռեյ Կունիի երգիծական պիեսի հիման վրա։
Այն թատրոնի պատմության մեջ հրավիրված ռեժիսորի՝ Երևանի Կ․ Ստանիսլավսկու անվան ռուսական պետական դրամատիկական թատրոնի դերասան և ռեժիսոր Արմեն Մարգարյանի կողմից ներկայացում բեմադրելու նախադեպ կհանդիսանա։ «Չափազանց ամուսնացած տաքսիստը» հուզիչ պատմություն է սովորական տաքսիստի կյանքի մասին, որը անսպասելիորեն ներքաշվում է բարդ իրադրության մեջ։ Այն ոչ միայն զվարճալի կատակերգություն է, այլ նաև պատմություն սիրո և հավատարմության մասին։ Պիեսը ստիպում է մտածել, թե ինչ զոհողությունների ենք մենք պատրաստ հանուն մեր ընտանիքների և սիրելի մարդկանց պահպանության։
Ստեփանակերտի ռուսական դրամատիկական թատրոնի համար այս իրադարձության մեկ այլ առանձնահատկությունն էլ այն է, որ դերասանները առաջին անգամ բեմ կբարձրանան «Արկտիկական բեմ» միջազգային թատերական երկրորդ փառատոնում ունեցած հաջող ելույթից հետո։ Այնտեղ Վլադիմիր Մայակովսկու ստեղծագործությունների մոտիվներով և ռեժիսոր Ժաննա Կրիկորովայի բեմադրությամբ «Ողջ ձայնով» ներկայացումը արժանացել է երկու հատուկ պատվոգրի։
«Չափազանց ամուսնացած տաքսիստը» ներկայացումը նախապատրաստվել է ԴԻԱԼՈԳ կազմակերպության աջակցությամբ։ Այս անգամ Ստեփանակերտի ռուսական դրամատիկական թատրոնը կխաղա Երևանի պատանի հանդիսատեսի թատրոնի բեմում։
Հարկ է նշել, որ ԴԻԱԼՈԳ կազմակերպության և Ստեփանակերտի ռուսական դրամատիկական թատրոնի Հոգաբարձուների խորհրդի կողմից ողջ տարվա ընթացքում ստեղծվել են անհրաժեշտ պայմաններ, որ թատրոնի գեղարվեստական ղեկավար Ժաննա Կրիկորովայի կողմից նախապատրաստվեն ամենատարբեր ժանրերի բեմադրություններ՝ կատակերգությունից մինչև պոետական ներկայացում։ Քանի որ իր հարազատ հողից բռնի տեղահանված թատրոնը չունի սեփական բեմը, ներկայացումների համար կազմակերպության և թատրոնի Հոգաբարձուների խորհրդի կողմից վարձակալվել են «Բոհեմ» թատրոնի, Երևանի Հ․ Թումանյանի անվան պետական տիկնիկային թատրոնի, Երևանի պատանի հանդիսատեսի թատրոնի բեմերը և «Անի» հյուրանոցի դահլիճը։ Չի կարելի չնշել նաև, որ իրենց մոտ մեկական ներկայացում են ընդունել Երևանի «Մոսկվայի տունը» և «Ա տուն» ստեղծագործական կենտրոնը, իսկ 2023 թ․ հոկտեմբեր ամսվա ընթացքում թատերախումբը փորձեր է արել Երևանի «Ռուսական տանը»։
Ստեփանակերտի ռուսական դրամատիկական թատրոնը հիմնադրվել է 2022 թվականին գրող և հասարակական գործիչ Ալեքսանդր Բորդովի կողմից։ Ստեփանակերտում թատրոնի կայացմանը, ինչպես նաև 2023 թվականի սեպտեմբերյան բռնի տեղահանումից հետո Երևանում նրա վերածնունդին աջակցել են ԴԻԱԼՈԳ կազմակերպության գործընկերները Յուրի Նավոյանի ղեկավարությամբ, ով նաև թատրոնի Հոգաբարձուների խորհրդի նախագահն է։
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Կապանում ունենալու ենք վիեննական վալս. Սեւակ Ավանեսյան
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Վարկային և քրեական համաներում՝ հանուն սոցիալական արդարության․ Հրայր Կամենդատյան
Ու՞մ շահերից էր գործում Փաշինյանը փաստացի փչացնելով հարաբերությունները․ հարցում
Կան մարդիկ, որոնց հանդիպելուց հետո երկար ժամանակ չես կարողանում ազատվել այն ջերմությունից, որ թողնու...
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»