Կոնվերս Բանկի գլխավոր գործադիր տնօրենի տեղակալ, ֆինանսական տնօրեն Հրանտ Հակոբյանն ընտրվել է BACEE-ի հոգաբարձուների խորհրդի անդամ
Կոնվերս Բանկը հպարտությամբ հայտնում է, որ Բանկի գլխավոր գործադիր տնօրենի տեղակալ, ֆինանսական տնօրեն Հրանտ Հակոբյանն ընտրվել է Կենտրոնական և Արևելյան Եվրոպայի բանկերի ասոցիացիայի (BACEE) հոգաբարձուների խորհրդի անդամ:
Այս նշանակալից իրադարձությունը հստակ արտացոլում է Կոնվերս Բանկի հանձնառությունը՝ նպաստելու տարածաշրջանային համագործակցությանը, Կենտրոնական և Արևելյան Եվրոպայի ֆինանսական ոլորտի զարգացմանը:
Պարոն Հակոբյանը BACEE-ի խորհրդի աշխատանքին է միանում ֆինանսների կառավարման և ռազմավարական պլանավորման ոլորտներում հարուստ փորձառությամբ: Կոնվերս Բանկում կառավարման փորձառության, ինչպես նաև բանկային համակարգի ընդգրկուն գիտելիքի շնորհիվ նրա դերակատարումն նշանակալի կլինի BACEE-ի՝ տարածաշրջանում կայուն զարգացմանն աջակցելու գործում:
«Հպարտ ենք, որ Հրանտ Հակոբյանն է ներկայացնելու Կոնվերս Բանկը BACEE-ի խորհրդում։ Իր փորձառությամբ նա առանցքային դերակատարում կունենա BACEE-ի նպատակների իրականացման, Կենտրոնական և Արևելյան Եվրոպայի բանկային համայնքում կապերի ամրապնդման հարցում»,- ասել Կոնվերս Բանկի գլխավոր գործադիր տնօրեն Անդրանիկ Գրիգորյանը:
Պարոն Հակոբյանը իր հերթին նշել է. «Ուրախ եմ, որ միանում եմ BACEE-ի խորհրդին և իմ ներդրումն եմ ունենալու կազմակերպության շարունակական հաջողության հարցում: Ես հատկապես ձգտելու եմ ռազմավարական զարգացման հարցում իմ փորձառությունն օգտագործել ներկա բարդ մակրոտնտեսական միջավայրում կողմնորոշման, թղթակցային բանկային հարաբերությունների բարելավման և տարածաշրջանում կազմակերպության հեղինակության աճի խթանման համար»:
BACEE-ն շահույթ չհետապնդող ասոցիացիա է, որի նպատակն է Կենտրոնական, Արևելյան և Հարավարևելյան Եվրոպայում, Կովկասում և Կենտրոնական Ասիայում ֆինանսական ոլորտի կայունության և շարունակական զարգացման ապահովումը: Այն աջակցում է տարածաշրջանային բանկերին ֆինանսական գիտելիքների, նորարարական լուծումների ներդրմանը:
Կոնվերս Բանկը Հայաստանի արագ զարգացող ունիվերսալ բանկերից է, որն առաջարկում է լայնածավալ ֆինանսական պրոդուկտներ, ծառայություններ է առաջարկում թե անհատներին, թե բիզնեսին: Բանկի լայն ցանցը ներառում է 33 մասնաճյուղ, մոբայլ և առցանց բանկային հարթակներ, որոնք գործարկվել են հաճախորդների աճող թվային պահանջներն առավելագույնս բավարարելու նպատակով:
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Կապանում ունենալու ենք վիեննական վալս. Սեւակ Ավանեսյան
Յունիբանկը կխաղարկի ուղևորություն դեպի Իտալիա
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Վարկային և քրեական համաներում՝ հանուն սոցիալական արդարության․ Հրայր Կամենդատյան
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
Կուռթանի բնակիչը` Ուժեղ Հայաստանի անդամների հետընտրական այցի մասին