2024 թվականի առաջին կիսամյակի ընթացքում անչափահասի նկատմամբ բռնի սեռական գործողությունների դեպքերով հարուցվել է 7 քրեական գործ
2024 թվականի 1-ին կիսամյակի ընթացքում սեռական ազատության և սեռական անձեռնմխելիության դեմ ուղղված հանցագործությունների դեպքերի առթիվ քննված վարույթներից 16-ն ավարտվել է մեղադրական եզրակացությամբ և ուղարկվել դատարան, որոնցից 4-ը կատարվել է ընտանիքի անդամի կողմից:
Այս մասին, ի պատասխան Tert.am-ի գրավոր հարցմանը, տեղեկացրել են Քննչական կոմիտեից:
«Նշված 16 քրեական վարույթով, մինչև 16 տարեկան 18 անչափահաս ճանաչվել է տուժող: 9 քրեական վարույթ կարճվել է, որոնցից որևէ մեկը կատարված չի եղել ընտանիքի անդամի կողմից: Նշված 9 քրեական վարույթով մինչև 16 տարեկան 6 անչափահաս ճանաչվել է տուժող»,- ասված է ՔԿ-ի պատասխանում:
Tert.am-ը ՔԿ-ից մասնավորապես հետաքրքրվել էր 16 տարեկանը չլրացած անձանց նկատմամբ սեռական բնույթի քանի դեպք է ՔԿ-ում ստացվել 2024-ին:
Tert.am-ը պարզելու համար, թե անչափահասների նկատմամբ սեռական բռնի գործողությունների դեպքերով քանի՞ դատական գործ կա հարուցված, ի՞նչ վճիռներ կան կամ հաշտության քանի՞ դեպք կա գրավոր հարցմամբ դիմել էր Դատական դեպարտամենտ:
Դատական դեպարտամենտից Tert.am-ին տեղեկացրել են՝ ըստ 2024թ. առաջին կիսամյակի հրապարակված վիճակագրական տվյալների՝ ՀՀ առաջին ատյանի ընդհանուր իրավասության դատարաններում ՀՀ քրեական օրենսգրքի 200-րդ հոդվածով՝ «Սեքսուալ բնույթի գործողություններ կատարելը 16 տարին չլրացած անձի նկատմամբ» նախատեսված արարք կատարելու համար մեղադրվող անձանց վերաբերյալ ստացվել է թվով 7 քրեական գործ, որոնցով կայացվել են 4 վերջնական դատական ակտեր (1-ը՝ 2024 թվականին ստացված քրեական գործերով):
«Դրանցից 3 քրեական գործերով կայացվել է մեղադրական դատավճիռ և որպես պատիժ նշանակվել է ազատազրկում, իսկ 1-ով՝ հարուցված քրեական հետապնդումը դադարեցվել է՝ մեղադրյալի և տուժողի հաշտության հիմքով (2024 թվականին ստացված քրեական գործերով)»,- ասված է դատական դեպարտամենտի պատասխանում:
Ինչ վերաբերում է անչափահասների թրաֆիքինգի վերաբերյալ գործեր քննվե՞լ են հարցին, Դեպարտամենտից տեղեկացրել են. «Ըստ 2024թ. առաջին կիսամյակի հրապարակված վիճակագրական տվյալների՝ ՀՀ քրեական օրենսգրքի 189-րդ հոդվածով՝ «Երեխայի կամ անօգնական վիճակում գտնվողի թրաֆիքինգը կամ շահագործումը» նախատեսված արարք կատարելու համար մեղադրվող անձանց վերաբերյալ ՀՀ առաջին ատյանի ընդհանուր իրավասության դատարաններում ստացվել են երկու քրեական գործ»:
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Ընտրությունների ժամանակ ՔՊ-ն ծախսել է ամենաշատ գումարը՝ օգտվելով պետբյուջեից. Մենուա Սողոմոնյան
Կապանում ունենալու ենք վիեննական վալս. Սեւակ Ավանեսյան
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Յունիբանկը կխաղարկի ուղևորություն դեպի Իտալիա
Ինչպես գործազրկել հազարավոր մարդկանց ու... գնալ արձակուրդը վայելելու. «Փաստ»
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
ԶՊՄԿ-ի մշտական այցելուների թվում են ՀՊՏՀ-ի ուսանողներն ու դասախոսները
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մենք կարող ենք մեջքներս ուղղել, մենք կարող ենք վերականգնել մեր ինքնավստահությունը, մենք աշխարհին շատ...