«Բադալյան եղբայրներ ընկերությունների» խումբը բնակարան է գնել Արցախից ընտանիքի համար
«Բադալյան եղբայրներ ընկերությունների» խումբը բնակարան է գնել Արցախից բռնի տեղահանված Վերա Նարիմանյանի և նրա ողջ մնացած միակ դստեր համար։ Բնակարանը, որը ձեռք է բերվել 22 միլիոն, 496 հազար դրամով, ամբողջությամբ վերանորոգվել է և կահավորվել։
«Բադալյան եղբայրներ» ընկերությունների խմբի համահիմնադիր, «Ֆասթ Շիֆթի» խորհրդի նախագահ Ռոման Բադալյանն ասել է․ «Ես իսկապես շատ հպարտ եմ, որ ևս մեկ ընտանիք ունեցավ նոր և բարեկարգ բնակարան: Տիկին Վերան շատ մեծ դժվարությունների ու դժբախտությունների միջով է անցել, և հուսանք, որ այս նոր բնակարանը կօգնի նրան թեթևացնել այդ բեռը: Իմ կարծիքով յուրաքանչյուր մարդ պետք է օգնի իր հայրենիքին և հայրենակիցներին ինչքան որ հնարավոր է»:
Արցախի շրջափակման ժամանակ Վերա Նարիմանյանի 6-ամյա դուստրն ու 4-ամյա որդին դժբախտ պատահարի զոհ դարձան: Միայնակ մայրը շոգ եղանակին երեխաներին տանը մենակ էր թողել ու գնացել սնունդ փնտրելու, երեխաներն էլ մայրիկի ետևից տանից դուրս էին եկել: Հաջորդ օրն առավոտյան, երկար փնտրտուքների արդյունքում 6-ամյա Գիտային և 4-ամյա Լեոյին Մարտակերտում մեքենայի մեջ մահացած էին գտել: Նախորդ տարի տեղահանված Վերան Հայաստանում ապրելու վայր չունենալու պատճառով ստիպված էր միակ դստերը Կապանի խնամքի կենտրոնում թողնել։
Սեփական բնակարան ունենալ ու դստեր հետ միավորվելու երազանքն արդեն իրականություն է, մայր ու դուստր շուտով կմիավորվեն: Վերա Նարիմանյանի խոսքով՝ Նոր տարվա իր լավագույն նվերը նոր տունն ու երեխան են․ «Հիմի ինքն ուրախանում է ու ասում է՝ մամա՛ ջան, կարող եմ գալ էդ թազա տունը վայելեմ: Ասի՝ հա՛, քեզ խոսք եմ տվել ու խոսքիս տերն եմ: Բադալյան եղբայրներից շատ գոհ ու շնորհակալ եմ եմ, որ էս տունը նվիրեցին ինձ: Ապրեն իրանք: Աստված պահի իրանց», - ասել է Վերա Նարիմանյանը:
«Բադալյան եղբայրներ» ընկերությունների խումբը, որպես սոցիալապես պատասխանատու ընկերություն, մշտապես աջակցում և օգնում է իր հայրենակիցներին: Ի դեպ, ցավալի դեպքից մեկ ամիս անց ընկերությունը 5 միլիոն դրամ օգնություն էր հատկացրել Վերային: Նշենք, որ «Բադալյան եղբայրներ» ընկերությունների խումբը ևս 50 միլիոն դրամ էր նվիրաբերել Արցախից բռնագաղթված երկու ընտանիքի՝ բնակարաններ ձեռք բերելու նպատակով:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը