Մեկնարկում է նոր մրցույթ պատանի երաժիշտների համար. «Երաժշտություն հանուն ապագայի» հիմնադրամը հայտարարում է 2025թ.-ի կրթական ծրագիրը
«Երաժշտություն հանուն ապագայի» հիմնադրամը, հավատարիմ մնալով պատանի երաժիշտներին աջակցելու և զարգացնելու իր առաքելությանը, հայտարարում է իր նոր՝ 2025թ․ կրթական և զարգացման ծրագրի մրցույթը` 10-16 տարեկան տաղանդավոր պատանի երաժիշտների համար: Ծրագրին կարող են դիմել ՀՀ երաժշտական և արվեստի դպրոցների ու քոլեջների սաները հետևյալ մասնագիտությունների գծով՝ ջութակ, ալտ, թավջութակ, ֆլեյտա, հոբոյ, կլարնետ, ֆագոտ, գալարափող, շեփոր, տրոմբոն, հարվածային գործիքներ, դաշնամուր, տավիղ, սաքսոֆոն:
«Երաժշտություն հանուն ապագայի» հիմնադրամն իր եզակի դերն ու կարևոր ներդրումն ունի Հայաստանի պատանի սերնդի երաժշտական կրթության և
զարգացման մեջ: Հիմնադրամն իրականացնում է մշակված յուրահատուկ համապարփակ կրթական ծրագիր տաղանդավոր պատանի երաժիշտների համար հետևյալ 7 ուղղություններով՝
- Վարպետության դասեր և դասխոսություններ
- Բեմական փորձ
- Կրթական ուղևորություններ արտերկիր
- Այցելություն համերգների
- Օտար լեզուների դասեր
- Թանգարանային այցեր
- Կրթաթոշակ
Մրցութային փուլերը հաղթահարած դիմորդները կստանան բացառիկ հնարավորություն անվճար հիմունքներով մասնակցել վարպետության դասերի և դասախոսությունների հանրահայտ միջազգային երաժիշտների և պրոֆեսորների հետ, հանդես գալ համերգային ելույթներով ՀՀ-ում և արտերկրում, ունենալ կրթական ուղևորություններ արտեկիր, այցելել ՀՀ թանգարաններ, մասնակցել օտար լեզուների բանավոր խոսքի զարգացման դասերի, ստանալ Հայաստանի պետական սիմֆոնիկ նվագախմբի կազմակերպած հայաստանյան համերգների հրավիրատոմսեր և կստանան ֆինանսական աջակցություն։
Ծրագրին դիմելու վերջնաժամկետն է 2025թ.-ի փետրվարի 6-ը: Դիմումներն ընդունվում են առցանց՝ Հիմնադրամի կայքէջով հայտն ուղարկելու միջոցով։
- -
«Երաժշտություն հանուն ապագայի» հիմնադրամը ստեղծվել է Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր, UNICEF-ի ազգային դեսպան Սերգեյ Սմբատյանի նախաձեռնությամբ, ով նաև հանդիսանում է Հիմնադրամի Հոգաբարձուների խորհրդի նախագահը: Հիմնադրամն իր գործունեությունը ծավալում է 2019թ․-ից և հինգ տարիների ընթացքում նախաձեռնել և մեծ հաջողությամբ իրականացրել է կրթական ծրագրեր` աջակցելով 66 հայ տաղանդավոր պատանի երաժիշտների, ովքեր արդեն գրանցում են մեծ հաղթանակներ և հաջողություններ թե Հայաստանում, և թե արտերկրում:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը