Փաշինյանի վախերը. ինչո՞ւ է զանգել Պուտինին
Նիկոլ Փաշինյանը հեռախոսազրույց է ունեցել Ռուսաստանի նախագահ Վլադիմիր Պուտինի հետ: ՀՀ կառավարության աշխատակազմը բավարարվել է հակիրճ հաղորդագրությամբ, նշել, թե զրուցակիցները քննարկել են Եվրասիական տնտեսական միությունում Հայաստանի նախագահության արդյունքները, առաջիկա անելիքները ԵԱՏՄ շրջանակներում, ինչպես նաև Հայաստան-Ռուսաստան երկկողմ օրակարգի մի շարք հարցեր:
Կրեմլի հաղորդագրությունն ավելի ընդարձակ է։ Ռուսական կողմը նշում է, որ հեռախոսազրույցը կայացել է հայկական կողմի նախաձեռնությամբ և որ քննարկվել են ինտեգրացիոն համագործակցության հետագա խորացման հրատապ հարցեր, առաջին հերթին էներգետիկ ոլորտում, նշվել են ԵԱՏՄ շրջանակներում գործնական օգուտները, այդ թվում՝ Հայաստանի տնտեսության համար։ Նշվում է, որ Փաշինյանը պարզաբանել է ԵՄ-ի հետ հարաբերությունների համատեքստում Երևանի վերջին քայլերը, իսկ Պուտինը տվել է համապատասխան մեկնաբանություններ և գնահատականներ։ Թե ինչ գնահատականների և մեկնաբանությունների մասին է խոսքը, Ռուսաստանի նախագահի գրասենյակը չի մանրամասնում։
Ուշագրավ է, որ Փաշինյանը Պուտինին զանգել է Մոսկվայում ՌԴ և Իրանի նախագահների հանդիպումից առաջ։ Պուտինն ու Փեզեշքիանը երկար բանակցել են, ապա ռազմավարական գործընկերության մեծ պայմանագիր են ստորագրել։ Հանդպմանը նաև անդրադարձել են Հարավային Կովկասին, արձանագրել, որ արտատարածաշրջանային ուժերի ներկայությունը վտանգում է երկու երկրների շահերը։ Իսկ արտատարածաշրջանային ուժերին Հարավային Կովկաս բերում է հենց ՀՀ գործող իշխանությունը՝ վտանգներ ստեղծելով թե՛ Ռուսաստանի, թե՛ Իրանի համար։
Բնական է, որ Փաշինյանը փորձելու է համոզել Մոսկվային և Թեհրանին, որ իր քայլերը նրանց դեմ չեն, բայց երկու մայրաքաղաքներից հնչող արձագանքները վկայում են, որ այդ խոսքերին ոչ ոք չի հավատում։ Արևմուտքին հաճոյանալու՝ Փաշինյանի քայլերը նոր աղետներ են բերելու Հայաստանի գլխին։
Աննա Կիրակոսյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը