Բեկումնային տարի Պլեխանովի անվան Ռուսաստանի տնտեսագիտական համալսարանի Երևանի մասնաճյուղի համար
2024 թվականին Գ․Վ․ Պլեխանովի անվան Ռուսաստանի տնտեսագիտական համալսարանի Երևանի մասնաճյուղը կայուն աճ արձանագրեց գործունեության բոլոր հիմնական ուղություններով։
«Կարծում եմ, որ 2024 թվականը բեկումնային տարի էր Երևանի մասնաճյուղի համար։ Գրանցեցինք առկա ուսուցմամբ ուսանողների քանակական աճ, անցկացրեցինք բազմաթիվ գիտակրթական միջոցառումներ, լույս տեսավ մեր գիտական հանդեսի 10-րդ հոբելյանական համարը, ի դեպ այն զետեղված է ԲՈԿ-ում և РИНЦ-ում, ունենք հանրային և լրատվական դաշտում ճանաչելիության աճ, և, վերջապես, ՀՀ կառավարության հետ կնքեցինք գույքի անհատույց վարձակալության պայմանագիր։ Ահա մեր հաջողությունների ոչ ամբողջական ցանկը։ Ուստի միանշանակ կարող ենք ասել, որ տարին հաջողվել է», – ընդգծում է մասնաճյուղի տնօրեն Թամարա Վարդանյանը։
«2024-ի ընդունելության արդյունքները վկայում են մեր կրթական ծրագրերի գրավչության աճի մասին։ Բարձր արդյունքներ են գրանցվել ընդունելության ծրագրերում, հատկապես «Տնտեսագիտություն» և «Կառավարում» ֆակուլտետներում։ Ուժգին մրցակցություն է եղել բյուջետային տեղերի համար։ Բարձրացել է նաև ընդունելության քննական գնահատականների միջին միավորը, ինչը վկայում է դիմորդների պատրաստվածության աստիճանական աճի մասին»,- նշում է համալսարանի ընդունելության հանձնաժողովի քարտուղար Ալինա Գրիգորյանը։
Հավելյալ նշենք, որ ընդլայնվել է մասնաճյուղի լրացուցիչ կրթական ծրագրերի շտեմարանը։ 2024 թվականին իրականացվել է 9 լրացուցիչ մասնագիտական կրթական ծրագիր, այդ թվում՝ «Պետական և քաղաքային կառավարում», «Մարքեթինգ», «Արտահանման առաջնորդներ» (ՀՀ ռազմավարական զարգացման կենտրոն հիմնադրամի հետ համատեղ), «SMM և թվային մարքեթինգ»։ Տարվա ընթացքում համալսարանը հարթակ դարձավ մի շարք միջազգային միջոցառումների անցկացման համար՝ «Հաղթանակի թելադրություն», «Տնտեսագիտական թելադրություն», «Համընդհանուր (տոտալ) թելադրություն», «Ազգագրական թելադրություն»։ Մասնաճյուղը համագործակցության պայմանագիր կնքեց Չանչունի համալսարանի հետ (Չինաստան)՝ լրացուցիչ կրթական ծրագրերի ցանկն ընդլայնելու նպատակով։
Համալսարանի ուսանողները մասնակցել են Մոսկվայում, Սոչիում և այլ տեղերում անցկացված մասնագիտական օլիմպիադաներին, մրցույթներին՝ գրանցելով բարձր ցուցանիշներ։ 2025 թվականին մասնաճյուղը կշարունակի իր ակտիվ գիտակրթական և հասարակական գործունեությունը։
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ
Ով է «վերբովկա» արել գեներալ Կարեն Շաքարյանին․ բացառիկ մանրամասներ. «Իրավունք»
Դիլիջանի «արու» համայնքապետը որոշում է փոխել, որ պարգևավճար տա. «Ժողովուրդ»