Նոր մանրամասներ՝ Մերձավանի արյnւնոտ գիշերից․ տղայական հաշվեհարդար՝ դաժան ծեծի ենթարկելու պատճառով
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Նկարում՝ Փարաքար խոշորացված համայնքի ղեկավար Լյուդվիգ Գյուլնազարյանը և Մերձավան բնակավայրի վարչական ղեկավար Մհեր Ախտոյանը
Այսօր առավոտյան մամուլում տեղեկություն տարածվեց, թե գիշերը զինված հարձակում է տեղի ունեցել Փարաքար խոշորացված համայնքի Մերձավան բնակավայրի վարչական ղեկավար Մհեր Ախտոյանի տան վրա։ Նախնական տեղեկություններով՝ կա մեկ զոհ և մեկ վիրավոր։
MediaHub-ին որոշ մանրամասներ են հայտնի դարձել միջադեպից։ Մեզ ասացին, որ ոչ թե զինված հարձակում է տեղի ունեցել Մհեր Ախտոյանի տան վրա, այլ եղել է հաշվեհարդար տան բակում։
Գիշերը ուշ ժամի մի խումբ անձինք եկել են Մհեր Ախտոյանի մոտ՝ «ռազբոռկայի», նրանց իր տան մոտ դիմավորել է Ախտոյանն իր կողմակիցների հետ, որոնց թվում եղել է նաև իր զարմիկը՝ Գրիգոր Օհանյանը։ Վիճաբանության ընթացքում Մհեր Ախտոյանին հաշվեհարդարի հրավիրած անձինք կրակել են նրա և կողմնակիցների ուղղությամբ, ինչի հետևանքով Գրիգոր Օհանյանը՝ Մհեր Ախտոյանի հորաքրոջ տղան (ընդամենը մեկ օր առաջ նա նշել էր ծննդյան 30-ամյակը), մահացել է, իսկ Ախտոյանի մերձավորներից մեկն էլ վիրավորվել է։ Ու թեև Մերձավանի բնակիչներից ոմանք, հավանաբար՝ Մհեր Ախտոյանի կողմնակիցները, այսօր լրատվամիջոցների հետ զրույցում ասում էին, թե սա քաղաքական թեմա է, իբրև թե ընտրություններից առաջ իրար «փոր են թափում», և քաղաքական նպատակներով հարձակվել են վարչական ղեկավարի տան վրա, սակայն մեզ ասացին, որ քաղաքական ենթատեքստ այս ամենի մեջ, համենայնդեպս այս պահի դրությամբ, չկա։
Ավելին, մեզ պատմեցին, որ Մհեր Ախտոյանը հաճախակի է տարբեր թեմաներով վեճերի մեջ գտնվել գյուղի բնակիչների հետ, իսկ կրակոցների հեղինակների հետ ողբերգական միջադեպն իր նախապատմությունն ունի։ Մեզ պատմեցին, որ դրանից առաջ Մերձավանի վարչական ղեկավար Մհեր Ախտոյանն իր ընկերների հետ կենցաղային հարցի շուրջ ծագած վեճի ընթացքում դաժան ծեծի է ենթարկել իր համագյուղացուն, որից հետո ծեծված երիտասարդի հայրն է եկել, սակայն Ախտոյանն ու ընկերները հորն էլ են ծեծել, ինչից հետո ծեծվածն արդեն դիմել է ընկերների օգնությանը, և գիշերվա կեսին ընկերների հետ գնացել են Ախտոյանի վրա՝ հաշվեհարդարի։
Վիճաբանության ընթացքում սկսվել է ծեծկռտուք, հնչել են կրակոցներ, ինչի հետևանքով զոհվել է Մհեր Ախտոյանի զարմիկը։ Մենք տեղեկացանք նաև, որ այս պահի դրությամբ կա երկու ձերբակալված, սակայն իրավապահները ևս մեկ անձի են փնտրում՝ գլխավոր կասկածյալին, որին դեռ չեն գտել։
Վահե Մակարյան
Հետևեք մեզ՝ այստեղ
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը