Team-ի համահիմնադիր Ալեքսանդր Եսայանը վերընտրվել է ԱՏՁՄ նախագահի պաշտոնում
Առաջատար տեխնոլոգիաների ձեռնարկությունների միության 24-րդ տարեկան համաժողովին Միության նախագահի պաշտոնում վերընտրվել է Team ընկերությունների խմբի համահիմնադիր Ալեքսանդր Եսայանը։
Շնորհակալություն հայտնելով վստահության համար՝ Ալեքսանդր Եսայանն ընդգծել է, որ Միության գրանցած հաջողությունները անդամ կազմակերպությունների և գործընկերների համատեղ արդյունավետ աշխատանքի արդյունքն են:
«Մենք շարունակելու ենք քայլել Հայաստանը որպես տեխնոլոգիական առաջատար երկիր դիրքավորելու ճանապարհով: Այս հավակնոտ, բայց լիովին իրատեսական հեռանկարում կարևոր է յուրաքանչյուրիս ներգրավվածությունը, համագործակցությունը կազմակերպությունների, Կառավարության հետ: ԱՏՁՄ համայնքի զգալի մեծացումը կարևոր ցուցանիշ է, որը փաստում է դրա կենսունակության ու ոլորտում նոր հաջողություններ սահմանելու պատրաստակամության մասին»,-նշել է Ալեքսանդր Եսայանը։
Նա նաև հավելել է, որ շարունակելու են զարգացնել արդեն իսկ գործող նախագծերը։ «Մենք գնալու ենք նոր «Արմաթ»-ների բացման, ինչպես նաև գործող «Արմաթ»-ների վերազինման ճանապարհով: Մեր ուշադրության կենտրոնում է մնալու նաև «ԴիջիԹեքը», որն անցած տարի ամենամեծն էր պատմության մեջ։ Նախատեսում ենք այն դարձնել միջազգային հարթակ՝ բարձրացնելով արդեն իսկ սահմանած նշաձողն ու ներգրավելով միջազգային ընկերությունների»:
Համաժողովի ընթացքում ներկայացվել են Հայաստանի տեխնոլոգիական էկոհամակարգի ներկա իրավիճակը, զարգացման ուղիները և ոլորտի հիմնական մարտահրավերները։
Նորընտիր խորհրդի կազմում են ընդգրկվել Արտավազդ Մինասյանը (Կրիսպ-համահիմնադիր և նախագահ), Արմեն Քոչարյանը (Վօլօ - տնօրեն և համահիմնադիր), Իրինա Դումանյան (Սիմենս-տնօրեն), Արսեն Բաղդասարյան (Դատաարտ-տնօրեն), Արման Աթոյան (Այ Իքս-Թեք-համահիմնադիր և տնօրեն), Խաչիկ Նազարյան (Բրոդքոմ - ինժեներական տնօրեն), Գևորգ Սաֆարյան (Լայմթեք - հիմնադիր և տնօրեն), Գոռ Վարդանյան (Ֆայմթեք - հիմնադիր), Սպարտակ Կյուրեղյան (Զելըս - Ֆինանսական և բիզնես օպերացիոն տնօրեն), Աշոտ Տոնոյան (Սերվիս Թայթան - տնօրեն), Արտավազդ Երիցյան (Փոդքասլ - հիմնադիր և տնօրեն), Նարեկ Ասլիկյան (Արմինիըն Քոդ Ըքեդըմի - հիմնադիր և տնօրեն), Ռեմ Դարբինյան (Վայրըլ Մանգո - հիմնադիր և տնօրեն):
Հասարակայնության հետ կապերի բաժին`[email protected]
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը