Մենք օդում կախված ենք, գազ չունենք, գրավոր դիմումները մնացել են անպատասխան. «Կոմիտաս պարկի» բնակիչները դժգոհ են կառուցապատողից
«Կոմիտաս պարկի» բազմաթիվ բնակիչներ այսօր՝ փետրվարի 7-ին, բողոքի ակցիա են իրականացնում: Ակցիայի շրջանակներում ներկայացնում են իրենց դժգոհությունները կառուցապատողից և թաղամասում առկա խնդիրները:
Կառուցապատողը ժամկետներ է խախտել՝ բնակարանները հանձնելու մասով, բացի դրանից՝ մենք օդում կախված ենք, դեռ գազ չունենք: Այս մասին լրագրողների հետ զրույցում ասաց «Կոմիտաս Պարկի» բնակիչներից մեկը, ով նոր է տեղափոխվել շենքում բնակվելու:
«Մեր շենքերը պետք է հանձնվեին 2023 թվականի դեկտեմբերին, համակերպվեցինք, 2 տարի անցավ, նոր հանձնեցին: Հիմա սկսել ենք վերանորոգումը, շատ մարդիկ արդեն բնակվում են այստեղ, բայց գազ չունենք, որը բավականին լուրջ խնդիր է, մարդիկ ձմեռը հազիվ անցկացրեցին: Մեզ ասացին, որ դեկտեմբերի վերջ գազ կլինի, հետո հետաձգեցին, ասացին՝ հունվարին: Մենք կանգնած ենք այն փաստի առջև, որ ոչ մի գործ չի արվել, ի վիճակի չենք մտնելու ու բնակվելու: Կառուցապատողը պետք է գումար վճարի, որ գործը առաջ գնա, բայց չի վճարում»,- նշեց բնակիչներից մեկը:
Նորակառույց շենքի մեկ այլ բնակիչ ևս բողոքով հանդես եկավ՝ նշելով, որ համալիրը ունի ավարտական ակտ, բայց շահագործման ակտ դեռ առկա չէ:
«Մարդիկ չունեն սեփականության վկայաններ, որոնք ևս անհարմարություն են ստեղծում շատերի համար: Ունենք նկարներ, որ բնակիչների տանը կոյուղին սառցակալել է ու պայթել, արդյունքում՝ ամբողջությամբ լցվել է մարդկանց վերանորոգված բնակարանները»:
Բնակչի խոսքով՝ բնակիչների մի մասը, բնակարանները ձեռք են բերել պետական ծրագրով, դա նշանակում է, որ կողմ է հանդիսանում նաև պետությունը: Իրենք գրավոր դիմում են ուղարկել համապատասխան մարմիններին, վարչապետի աշխատակազմին, սակայն գրությունները մինչ օրս մնացել են անպատասխան:
«Մենք փորձել ենք նաև կառուցապատողի հետ հանդիպել, դեռևս նոյեմբեր ամսին խոստացել են 4-5 օրյա ժամկետում որոշ պարզաբանումներ անել, բայց մինչև հիմա չեն պատասխանել: Եռակողմ հանդիպում ենք խնդրել, սակայն կառուցապատողը մերժել է ու չի մասնակցել հանդիպմանը՝ հավաստիացնելով, որ մինչև հունվարի 31-ը լուծում կտրվի, բայց ինչպես տեսնում ենք, լուծում չկա»,- նշեց բնակիչը:
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Մեքսիկայում ձերբակալել են թմրաբարոնի, որին բռնելու համար ԱՄՆ-ն 5 միլիոն դոլար էր խոստացել
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Երևանում՝ Ռուսաց լեզվի օրերի շրջանակներում անցկացվեց թատերական փառատոն
Որպես Փաշինյանին օգնություն Ալիևն ուզում է մինչև ընտրություն գերիների մի մասին վերադարձնել. Hraparak
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»
Եկեղեցում երիտասարդին հարվածած Փաշինյանի թիկնապահին արգելել են հանրային վայրերում երևալ. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր