ԶՊՄԿ-ը սերունդների պատմություն ունի. Վահրամ Գաբրիելյանի օրինակով
Զանգեզուրի պղնձամոլիբդենային կոմբինատում տարիների ընթացքում ձևավորվել են աշխատանքային գերդաստաններ, որոնց պատմությունը սերտորեն կապված է ընկերության զարգացման հետ։ Այդպիսի գերդաստաններից մեկի ներկայացուցիչն է Վահրամ Գաբրիելյանը, ով այսօր զբաղեցնում է Ընկերության պոչամբարային տնտեսության պետի տեղակալի պատասխանատու պաշտոնը՝ ավելի քան 25 տարվա մասնագիտական փորձառությամբ։
Վահրամ Գաբրիելյանի համար ԶՊՄԿ-ը պարզապես աշխատավայր չէ, այլ ընտանեկան պատմության անբաժանելի մաս։ Նրա հայրը՝ Օգնիկ Գաբրիելյանը, երկար տարիներ աշխատել է ավտոհավաքակայանում որպես ինժեներ, իսկ հորեղբայրները՝ Ռադիկ Գաբրիելյանը՝ որպես կադրերի բաժնի նախկին պետ, և Իգնատ Գաբրիելյանը՝ որպես բացահանքի աշխատակից, իրենց մասնագիտական ուղին անցել են հենց ԶՊՄԿ-ում՝ իրենց ներդրումն ունենալով ընկերության տարբեր կարևոր ոլորտներում։
Վահրամ Գաբրիելյանը հիշում է, որ կոմբինատի թեման մշտապես ներկա է եղել ընտանեկան զրույցներում, ինչը տարիների ընթացքում ձևավորել է նրա հետաքրքրությունն ու մասնագիտական ընտրությունը։ Այսօր նա ղեկավարում է Ընկերության ամենակարևոր կառույցներից մեկի աշխատանքը՝ ապահովելով համակարգված և պատասխանատու գործունեություն։
Պոչամբարային տնտեսությունը շուրջ 200 աշխատակիցներից բաղկացած համախմբված թիմ է՝ փականագործներ, զոդողներ, կարգավորողներ և էլեկտրիկներ։ Նրանց համակարգված աշխատանքի շնորհիվ ապահովվում է հարստացուցիչ ֆաբրիկայից դուրս եկող պոչանքների անխափան, անվտանգ և վերահսկելի տեղափոխումը դեպի Արծվանիկի պոչամբարային տնտեսություն։
Այս պատմությունը ևս մեկ անգամ վկայում է, որ ԶՊՄԿ-ը ոչ միայն արդյունաբերական հսկա է, այլև սերունդների շարունակական աշխատանքի, պատասխանատվության և մասնագիտական նվիրումի օրինակ։
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Նորածնին պոլիկլինիկայում կարելի է գրանցել առցանց․ ԱՆ-ն մանրամասներ է ներկայացրել
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...