Դատարանը Ստեփան Ասատրյանի գործունեությունը կարգավորող պայմանագիր է պահանջել Հայ Առաքելական Եկեղեցուց
Կարգալույծ քահանաներից Ստեփան Ասատրյանը դատական հայց էր ներկայացրել ընդդեմ Հայաստանյայց Առաքելական Սուրբ Եկեղեցու՝ պահանջելով անվավեր ճանաչել Ամենայն Հայոց Կաթողիկոսի տնօրինությունը և իրեն վերականգնել Հովհաննավանքի հոգևոր հովվի պաշտոնում։ Դատարանը վերադարձրել էր հայցադիմումը և երեք օր ժամանակ տվել հայցադիմումում առկա թերությունները վերացնելու համար։
Այնուհետև, Արմավիրի մարզի առաջին ատյանի ընդհանուր իրավասության դատարանը՝ նախագահությամբ դատավոր Սիմա Աբովյանի, որոշում է կայացրել հայցադիմումն ընդունել վարույթ։
Դատարանը կիրառել է հայցի ապահովման միջոց և պարտավորեցրել է «Հայաստանյայց Առաքելական Սուրբ Եկեղեցի» կրոնական կազմակերպությանը և այլ անձանց ամբողջությամբ և առանց խոչընդոտ ապահովել Ստեփան Արտակի Ասատրյանի պաշտոնավարումը Սուրբ Հովհաննավանքի հոգևոր հովվի պաշտոնում, մինչև սույն քաղաքացիական գործով վերջնական դատական ակտի օրինական ուժի մեջ մտնելը: Այս մասին տեղեկանում ենք «Դատալեքս» դատական տեղեկատվական համակարգից։
Բացի այդ, դատարանը պահանջել է Հայաստանյայց Առաքելական Սուրբ Եկեղեցուց ներկայացնել հետևյալ ապացույցները․
«Ստեփան Ասատրյանին պաշտոնից ազատելու մասին Գարեգին Բ Ծայրագույն Պատրիարք և Ամենայն Հայոց Կաթողիկոսի 21.10.2025 թվականի թիվ 1042 հայրապետական տնօրինության հիմքում ընկած փաստերը հաստատող ապացույցները, ինչպես նաև դրանում որպես հիմք վկայակոչված ներքին և անհատական իրավական ակտերը, Ստեփան Արտակի Ասատրյանի գործունեությունը կարգավորող պայմանագրերը:
Ընդդեմ Հայաստանյայց Առաքելական Սուրբ Եկեղեցու հայց էր ներկայացրել նաև Արամայիս Թախմազյանը՝ պահանջելով իրեն վերականգնել Թալինի տարածաշրջանի հոգևոր hովվի պաշտոնում: Դատավոր Հովհաննես Մելքոնյանը ևս այդ հայցն ընդունել է վարույթ և որոշում կայացրել պարտավորեցնել «Հայաստանյայց Առաքելական Սուրբ Եկեղեցի» կրոնական կազմակերպությանը և այլ անձանց՝ ամբողջությամբ և առանց խոչնդոտ ապահովել հայցվոր՝ Արամայիս Դավթի Թախմազյանի պաշտոնավարումը Թալինի տարածաշրջանի հոգևոր հովվի պաշտոնում»։
Նշենք, որ ընդդեմ Ստեփան Ասատրյանի դատական հայց էր ներկայացրել Հայաստանյայց Առաքելական Սուրբ Եկեղեցին՝ պահանջելով Հայաստանյայց Առաքելական Սուրբ Եկեղեցուն սեփականության իրավունքով պատկանող Արագածոտնի մարզի Աշտարակ համայնքի Օհանավան գյուղի Հովհաննավանքի եկեղեցին (այդ թվում՝ Եկեղեցու բանալիները) հետ վերադարձնել և պարտավորեցնել՝ արգելելով Ստեփան Արտակի Ասատրյանին Հովհաննավանքի եկեղեցու հետևյալ հատվածները՝ խորան, ավանդատուն և ատյան մուտք գործել։ Հայցն ընդունվել է վարույթ երեկ՝ փետրվարի 16-ին։
Հասմիկ Սարգսյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Նորածնին պոլիկլինիկայում կարելի է գրանցել առցանց․ ԱՆ-ն մանրամասներ է ներկայացրել
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...