Սա եկեղեցահալած գործընթաց է․ պետությունը մխրճվել է Եկեղեցու ներքին կյանքի մեջ․ փաստաբան
Այստեղ բացարձակ իրավական գործընթաց չկա, չի էլ կարող լինել։ Այս մասին 24News-ի հետ զրույցում ասաց փաստաբան Արմինե Ֆանյանը՝ անդրադառնալով դատարանի կողմից կարգալույծ հոգևորականներ Ստեփան Ասատրյանի և Արամայիս Թախմազյանի հայցերի ապահովման միջոց կիրառելուն։
«Բոլորս էլ գիտենք, որ Կաթողիկոսի տնօրինությունը ոչ ոք չի կարող վերացնել, ոչ մի դատարան, դա դատարանի իրավասության հարց չէ առհասարակ, որովետև վեճն ինքնին իրավական չէ։ Աշխատանքային հարաբերությունները բացակայում են։ Այստեղ կիրառելի չէ Հայաստանի Հանրապետության որևէ օրենսդրություն, որով առաջնորդվում է քաղաքացիական կամ վարչական դատարանը։ Գործընթացը բացարձակապես իրավական բնույթ չի կրում։ Բոլորս էլ լավ հասկանում ենք, թե սա ինչ գործընթաց է․ ավելի շատ եկեղեցահալած գործընթաց է։ Տեսանք՝ քրեական հետապնդում հարուցվեց վեց բարձրաստիճան հոգևորականի և Ամենայն Հայց Կաթողիկոսի նկատմամբ։ Այս գործընթացն անվանել իրավական ոչ միայն ճիշտ չէ, այլ նաև իրատեսական չէ, որովհետև պետությունն իր ստանձնած ոչ միայն միջազգային իրավական պարտավորություններով, այլ նաև ՀՀ օրենսդրությամբ և մեր Մայր օրենքով իրավունք չունի միջամտել Եկեղեցու ներքին կյանքին։ Մենք այսօր տեսնում ենք, որ պետությունն իր բոլոր լծակներով միջամտում է եկեղեցու ներքին կյանքին»,-ասաց Արմինե Ֆանյանը։
Ըստ փաստաբանի՝ այս պարագայում դատարանները պետք է վերադարձնեին այդ հայցը, քանի որ այդ հայցերը քննարկման ենթակա չեն որևէ ֆորմատով։
«Ախր սա իրավական աբսուրդ է։ Ի՞նչ տեսակ օրենսդրությամբ ես դու առաջնորդվում։ Սա քաղաքացիաիրավական հարաբերություն չի ընդհանրապես, իսկ դու կարող ես միջամտել միայն այդ տիրույթում։ Եկեղեցին իր ներքին կյանքն ունի, իր ներքին օրենքներն ու կանոնները։ Պետությունն ինքն է որդեգրել իր քաղաքականությունը, որ չմիջամտի այդ ներքին կյանքին։ Բայց մենք ի՞նչ ենք տեսնում․ ամբողջությամբ պետությունը մխրճվել է եկեղեցու ներքին կյանքի մեջ և ուզում է որոշել՝ ով լինի քահանա, ով՝ ոչ։ Ով Մասյացոտնի թեմի առաջնորդ լինի, ով՝ ոչ։ Սա խայտառակություն անվանելն էլ է մեղմ»,-նշեց Արմինե Ֆանյանը։
Հիշեցնենք, որ դատարանը կիրառել է հայցի ապահովման միջոց և պարտավորեցրել է «Հայաստանյայց Առաքելական Սուրբ Եկեղեցի» կրոնական կազմակերպությանը և այլ անձանց ամբողջությամբ և առանց խոչընդոտ ապահովել Ստեփան Արտակի Ասատրյանի պաշտոնավարումը Սուրբ Հովհաննավանքի հոգևոր հովվի պաշտոնում, մինչև սույն քաղաքացիական գործով վերջնական դատական ակտի օրինական ուժի մեջ մտնելը։
Հասմիկ Սարգսյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Հունձն այլևս խնդիր չէ. Ստեփանավանն ու հարակից բնակավայրերը կունենան նոր և ժամանակակից գյուղտեխնիկա, ...
«Դիմադրության օջախների կրակները մարելու համար շարունակում է իրականացնել իր ռեպրեսիվ գործունեությունը...
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան