«Երաժշտություն հանուն ապագայի» հիմնադրամը իրականություն կդարձնի «Հայ Վիրտուոզներ» միջազգային ակադեմիա-փառատոնը
Մարտի 26-ից ապրիլի 4-ը Հայաստանի դասական երաժշտության ոլորտում տեղի կունենա կարևորագույն իրադարձություն։ Առաջին անգամ Հայաստանում «Երաժշտություն հանուն ապագայի» հիմնադրամը նախաձեռնում է բացառիկ կրթամշակութային նախագիծ՝ «Հայ Վիրտուոզներ» միջազգային ակադեմիա-փառատոնը։
Ակադեմիան բաց կլինի 130 տաղանդավոր հայ պատանի երաժիշտների համար, որոնք բացառիկ հնարավորություն կունենան մասնակցելու վարպետության դասերի, որոնք անցկացնելու են աշխարհի տարբեր երկրներից Հայաստան ժամանած 20 անվանի արտիստներ ու պրոֆեսորներ։ Տասը օրվա ընթացքում տեղի կունենա 350-ից ավելի ինտենսիվ վարպետության դաս, ինչպես նաև պանելային քննարկումներ։ Վարպետության դասերն ու պանելային քննարկումները կդառնան ստեղծագործական համագործակցության, գիտելիքի փոխանցման, մասնագիտական աճի կարևոր հարթակներ։
Բայց սա ամենը չէ։ Փառատոնի շրջանակում ամեն երեկո տեղի կունենան դասական համերգներ՝ դասավանդող երաժիշտների և ակադեմիայի մասնակից երեխաների մասնակցությամբ։ Համերգները բաց կլինեն լայն հանրության համար։ Ձեռք բերելով տոմսերը՝ երաժշտասերները հնարավորություն կունենան վայելել իրենց նախընտրած համերգային ծրագրերը։
Այս համատեքստում կարևոր է նաև նշել, որ համերգները տեղի են ունենալու Երևանի տարբեր թանգարաններում, ինչը կընդլայնի ակադեմիայի շրջանակները՝ հնարավորություն տալով և՛ արտիստներին, և՛ հանդիսատեսին մոտիկից ծանոթանալ հայ մշակութային ժառանգությանը։ Մի քանի օրերի ընթացքում Երևանը կվերածվի մշակութային կենտրոնի։
«Հայ Վիրտուոզներ» ակադեմիա-փառատոնը դառնալու է կրթական և մշակութային նշանակության բացառիկ իրադարձություն մեր երկրի համար։ Փառատոնի միջոցով «Երաժշտություն հանուն ապագայի» հիմնադրամը մեկտեղելու է հայ պատանիների տաղանդը և համաշխարհային փորձը։ Սա լավագույն հարթակն է դառնալու դասական երաժշտության զարգացումը և տաղանդավոր երաժիշտների շարունակական աճը խթանելու համար։ «Երաժշտություն հանուն ապագայի» հիմնադրամը մշտապես կարևորում է միջազգային փորձ կրող հանրահռչակ պրոֆեսորների ներգրավումը մեր երկրի դասական երաժշտության զարգացման գործում, նրանց փորձի ու գիտելիքների փոխանցումը հայ պատանի երաժիշտներին։ Այս պարագայում միանշանակ հնարավոր է էլ ավելի կատարելագործել երաժիշտների կատարողական հմտությունները։
Հետևեք հիմնադրամին սոցհարթակներում կամ բաժանորդագրվեք հիմնադրամի կայքի նորություններին, որպեսզի առաջինը տեղեկանաք մասնակցության մանրամասներին:
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Սյունիքի համայնքապետերը՝ կադրից դուրս. «Ժողովուրդ»