«-46°C» ձմեռային փառատոնը հետաձգվել է՝ եղանակային անբարենպաստ պայմաններով պայմանավորված
Շիրակի մարզի Ամասիա համայնքում փետրվարի 28-ին նախատեսված «-46°C» ձմեռային փառատոնը եղանակային անբարենպաստ պայմաններով և ուժեղ ձնաբքով պայմանավորված հետաձգվել է։ «Արմենպրես»-ի հաղորդմամբ՝ փառատոնի կազմակերպիչները տեղեկացնում են, որ որոշումը կայացվել է՝ ելնելով մասնակիցների ու հյուրերի անվտանգությունից և հարմարավետությունից։
Կազմակերպիչները նշում են, որ Ամասիայում դեռ առատ ձյուն կա, ինչը թույլ կտա մարտին ևս միասին վայելել ձմռան շունչն ու գեղեցկությունը։ Առաջիկա օրերին կազմակերպիչները հանդես կգան նոր հայտարարությամբ՝ տեղեկացնելով փառատոնի անցկացման ստույգ օրվա մասին։
Փառատոնը ժամանցային, սպորտային և մշակութային միջոցառում է, որը միավորում է ակտիվ միջավայրը, ընտանեկան ժամանցը և ազգային մշակույթը մեկ տոնական մթնոլորտում։ Ծրագրի շրջանակում նախատեսվում են տարբեր սպորտային մրցույթներ ու հետաքրքիր խաղեր։ Փառատոնը տեղի է ունենալու Ամասիայից դեպի Բերդաշեն տանող ճանապարհին:
Միջոցառումն անցկացվելու է արդեն չորրորդ տարին: Այս տարի այն կանցկացվի EU-LEAD4Shirak ծրագրի շրջանակներում՝ Եվրոպական միության և Ավստրիական զարգացման համագործակցության և Ամասիայի համայնքապետարանի ֆինանսական աջակցությամբ՝ «Հյուսիսային ուղի» տեղական ակտիվ խմբի կողմից։
Որոշել է Արցախի վերջին ինստիտուտները ոչնչացնել․ «Հրապարակ»
«Հրապարակ»․ «Ստուկաչների ինստիտուտ» է ձեւավորվել
Այսօր Սահմանադրական դատարանը կայացնելու է վճիռ․ ի՞նչ ճակատագիր կունենան ընտրությունները
Բացառում եմ 2013 թվականի իրավիճակը, երբ Հայաստանը մեկ գիշերում հրաժարվեց ԵՄ հետ ասոցացման գործընթացի...
Վթար է․ ջուր չի լինելու
Մարինկա Խաչատրյանի ֆոտոշարքը Եգիպտոսից
Ռուսաստանը կշարունակի nւժեղացնել ճնշnւմը կիևյան ռեժիմի վրա. Պեսկով
Ո՞ր փուլում է սահմանամերձ Խնածախ գյուղի ճանապարհի հիմնանորոգման հարցը. ՏԿԵՆ-ի պատասխանը
«Ժողովուրդ». Արայիկ Հարությունյանի դիրքերը թուլանո՞ւմ են. երկարատև արձակուրդ է մեկնել
Կասեցվել է «Օքսիջեն»-ի հացի թխման տեղամասի արտադրական գործունեությունը. ՍԱՏՄ