Արամ Հարությունը մեղավոր է ճանաչվել Նիկոլ Փաշինյանին ծանր վիրավորանք հասցնելու համար
«Ազգային համաձայնություն» կուսակցության նախագահ Արամ Հարությունյանը մողավոր է ճանաչվել ՀՀ վարչապետ Նիկոլ Փաշինյանին հրապարակայնորեն ծանր վիրավորանք հասցնելու համար։ Մարտի 6-ին Երևանի առաջին ատյանի ընդհանուր իրավասության դատարանը՝ դատավոր Արշակ Մաթևոսյանի նախագահությամբ, մեղադրական վերդիկտ է կայացրել։
Sputnik Արմենիայի հետ զրույցում նրա պաշտպան Սերգեյ Հարությունյանը մանրամասներ ներկայացրեց գործի վերաբերյալ։
«ժամանակին այս նույն ելույթի համար Արամ Հարությունյանը քրեական շրջափուլով անցել էր, այն ժամանակ մեղադրում էին բռնությունն արդարացնելու համար։ Այնտեղ արդարացվեց երեք ատյաններով, hետո արդեն այլ առիթով նույն ելույթն ունենալու համար այս անգամ արդեն «վիրավորանք» հոդվածն էին գրել, այն ժամանակ հոդվածը Քրեական օրենսգրքում առկա էր, հետո ապաքրեականացվեց, գործը կարճվեց՝ արարքի մեջ հանցակազմի բացակայության հիմքով»,- նշեց Հարությունյանը։
Դրանից հետո դատախազությունը քրեական գործով վարույթը կարճելու և քրեական հետապնդումը դադարացնելու մասին որոշումը բեկանելու վերաբերյալ վերաքննիչ բողոք է ներկայացրել։ Վերաքննիչ դատարանը որոշում է կայացրել բեկանել Երևանի առաջին ատյանի ընդհանուր իրավասության քրեական դատարանի կայացրած դատավճիռը և վարույթի նյութերը փոխանցել նույն դատարան՝ այլ կազմով նոր քննության: Ընդհանուր առմամբ, այս դատական քաշքշուկը շուրջ 4 տարի է տևել։
«Սա է մեր երկրում արդարադատության վիճակը։ Ու զարմանալի է, թե սա որքան կարևոր էր դատախազության համար, որ երկու անգամ արդարացման վերդիկտի առկայությունից հետո ևս մեկ անգամ դիմեցին, որ երրորդ անգամ հասնեն հաջողության։ Բայց ինչպես Արամ Հարությունյանն է նշում, իր համար պատիվ է նման արարքի համար մեղավոր ճանաչվել»,- նշեց Հարությունյանը։
Նա հավելեց, որ այս անգամ էլ իրենք են բողոքարկելու վերաքննիչ դատարան։
Նշենք, որ Արամ Հարությունյանին մեղադրանք է առաջադրվել այն բանի համար, որ նա անձի հանրային գործունեությամբ պայմանավորված` ծայրահեղ անպարկեշտ եղանակով վիրավորել է նրա արժանապատվությունը և հրապարակային եղանակով անձի վերաբերյալ հնչեցրել է ծանր վիրավորանք պարունակող արտահայտություններ: Խոսքը վերաբերում է 2022թ․ հունիսին «Դիմադրություն» շարժման հանրահավաքի ժամանակ ՀՀ վարչապետ Նիկոլ Փաշինյանի հասցեին վիրավորական խոսքեր հնչեցնելուն։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է