ՀՀ հանքարդյունաբերության և մետալուրգիայի ասոցիացիան PDAC 2026-ի շրջանակում հանդիպել է Օնտարիո նահանգի ներկայացուցիչների հետ
Վերջերս Հայաստանի պատվիրակությունը մասնակցել է PDAC 2026 միջազգային համաժողովին, որը տեղի է ունեցել Տորոնտո քաղաքում և համարվում է հանքարդյունաբերության ոլորտի ամենահեղինակավոր և խոշոր միջոցառումներից մեկը։ Համաժողովը համախմբում է աշխարհի տարբեր երկրներից ժամանած պետական պաշտոնյաների, ոլորտի առաջատար ընկերությունների, ներդրողների և փորձագետների՝ քննարկելու հանքարդյունաբերության զարգացման ժամանակակից միտումները, ներդրումային հնարավորությունները և նոր տեխնոլոգիաները։
Համաժողովի շրջանակում ՀՀ պատվիրակությունը, ՏԿԵՆ փոխնախարար Ասատուր Վարդանյանի գլխավորությամբ, հանդիպում է ունեցել Կանադայի Օնտարիո նահանգի Էներգետիկայի և հանքերի նախարարի խորհրդարանական օգնական, խորհրդարանական Ռուդի Կուզետոյի հետ։
Հանդիպմանը ներկա է եղել նաև նահանգի հայազգի պատգամավոր Արիս Պապիկյանը։ ՀՀ պատվիրակության անդամներ՝ ՀՀՄԱ նախագահ Վարդան Ջհանյանը, Լիդիան Արմենիա ընկերության գործադիր տնօրեն Հայկ Ալոյանը և ՀՀ դեսպանության դիվանագետ Գոռ Եդիգարյանը։
Հանդիպման ընթացքում ընդգծվել է, որ միջազգային հարթակներում համագործակցությունը կարևոր դեր ունի Հայաստանի հանքարդյունաբերության ոլորտի զարգացման, ներդրումային միջավայրի բարելավման և նոր գործընկերությունների ձևավորման գործում։ Կողմերը պատրաստակամություն են հայտնել շարունակել շփումները և դիտարկել համատեղ նախաձեռնությունների իրականացման հնարավորությունները։
Զրույցի ընթացքում Հայաստանի հանքարդյունաբերության և մետալուրգիայի ասոցիացիայի (ՀՀՄԱ) նախագահ Վարդան Ջհանյանը կարևորել է շարունակել երկխոսությունը և խորացնել համագործակցությունը հայ և կանադացի գործընկերների միջև՝ հատկապես հանքարդյունաբերության ոլորտում ժամանակակից տեխնոլոգիաների ներդրման, շրջակա միջավայրի պաշտպանության և ոլորտի կայուն զարգացման ուղղությամբ։ Նրա խոսքով՝ նման հանդիպումները հնարավորություն են տալիս ոչ միայն ներկայացնել Հայաստանի ներուժը միջազգային գործընկերներին, այլև ծանոթանալ առաջատար երկրների փորձին և կիրառել այն տեղական պայմաններին համապատասխան։
Հանդիպման ավարտին կողմերը վերահաստատել են համագործակցությունը շարունակելու պատրաստակամությունը՝ նշելով, որ նման երկխոսությունները կարող են նպաստել ոլորտում լավագույն փորձի կիրառմանը, ներդրումների ներգրավմանը և հանքարդյունաբերության կայուն զարգացմանը Հայաստանում։
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Մեքսիկայում ձերբակալել են թմրաբարոնի, որին բռնելու համար ԱՄՆ-ն 5 միլիոն դոլար էր խոստացել
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Երևանում՝ Ռուսաց լեզվի օրերի շրջանակներում անցկացվեց թատերական փառատոն
Որպես Փաշինյանին օգնություն Ալիևն ուզում է մինչև ընտրություն գերիների մի մասին վերադարձնել. Hraparak
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»
Եկեղեցում երիտասարդին հարվածած Փաշինյանի թիկնապահին արգելել են հանրային վայրերում երևալ. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր