Մեր հանձնառությունը արդիականացումը պետական համակարգ բերելն ու նոր որակի ծառայություններ մատուցելն է
ՆԳ նախարարի տեղակալ Արմեն Ղազարյանը մարտի 17-ին մասնակցել է Հանրային ոլորտի նորարարության 3-րդ համաժողովի պանելային քննարկմանը։ Այդ մասին հայտնում են ՆԳ նախարարությունից:
Արմեն Ղազարյանը կարևորել է Ներքին գործերի նախարարության՝ «Թվային լուծումներով խթանված նորարարություն» անվանակարգում ստացած մրցանակը և նշել, որ ՆԳՆ համակարգում թվային փոխակերպումը ինստիտուցիոնալ գործընթաց է, որը միտված է հանրային ծառայությունների որակի բարելավմանն ու վարչարարության պարզեցմանը։
Անդրադառնալով պետական կառավարման ոլորտում ռազմավարությունների ներդրմանը՝ Ղազարյանը նշել է, որ ռազմավարական մոտեցումները պետք է հիմնված լինեն հստակ ձևակերպված նպատակների և որակական արդյունքների ապահովման վրա։
Խոսելով մարտահրավերների մասին՝ նա ընդգծել է, որ փոխակերպումներից ակնկալվող արդյունքը ժամանակատար գործընթաց է․ տարիներով ձևավորված գործելակերպը հնարավոր չէ մեկ օրում փոխել, ուստի կարևոր է, որ ռազմավարական նպատակները փուլային կերպով դառնան համակարգի բնական բաղադրիչ։
ՆԳՆ բարեփոխումների համատեքստում Արմեն Ղազարյանը նշել է, որ դրանք միտված են ոչ միայն համակարգերի արդիականացմանն ու թվայնացմանը, այլև մտածողության փոփոխությանը և նոր պահանջներին համահունչ լուծումների ներդրմանը։
«Մեր հանձնառությունը արդիականացումը պետական համակարգ բերելն է։ Նման փոփոխությունները հնարավոր են թիմային արդյունավետ աշխատանքի և հստակ արդյունքներին միտված նպատակների շնորհիվ»,- նշել է Ներքին գործերի նախարարի տեղակալը։
Արմեն Ղազարյանի խոսքով՝ ՆԳ նախարարությունը հանրությանը մատուցում է ծառայությունների լայն շրջանակ, և այս համատեքստում ներդրվում են ժամանակակից ստանդարտներ՝ կիրառելով նորարարական տեխնոլոգիաներ և ձևավորելով նոր մշակույթ։
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Մեքսիկայում ձերբակալել են թմրաբարոնի, որին բռնելու համար ԱՄՆ-ն 5 միլիոն դոլար էր խոստացել
Եկեղեցում երիտասարդին հարվածած Փաշինյանի թիկնապահին արգելել են հանրային վայրերում երևալ. «Ժողովուրդ»
Երևանում՝ Ռուսաց լեզվի օրերի շրջանակներում անցկացվեց թատերական փառատոն
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր
Թուրքիայում ԱՄՆ դեսպանը ողջունում է Հայաստան-Թուրքիա համատեղ աշխատանքային խմբի հանդիպումը
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»