Գիտության խթանում. Գ․Վ․ Պլեխանովի անվան համալսարանի Երևանյան մասնաճուղում տեղի ունեցավ «Սոցիալ-տնտեսական զարգացման հիմնախնդիրներ» գիտական հանդեսի 10-րդ համարի շնորհանդեսը
Գ․Վ․ Պլեխանովի անվան Ռուսաստանի տնտեսագիտական համալսարանի Երևանյան մասնաճուղում տեղի ունեցավ «Սոցիալ-տնտեսական զարգացման հիմնախնդիրներ» գիտական հանդեսի 10-րդ հոբելյանական թողարկման շնորհանդեսը:
Միջոցառմանը ներկա էին գիտական հանրության անվանի ներկայացուցիչներ, ժողովածուի խմբագրական խորհրդի անդամներ, համալսարանի դասախոսներ և ուսանողներ։ Հյուրերին ողջունեցին ժողովածուի պատասխանատու քարտուղար, Տնտեսական գիտությունների ամբիոնի վարիչ, տ․գ․թ․, դոցենտ Բելլա Գաբրիելյանը և մասնաճյուղի տնօրեն, ժողովածուի պատասխանատու խմբագիր, պ․գ․թ․ Թամարա Վարդանյանը։
«Մեր գիտական հանդեսը միավորում է առաջատար տնտեսական գաղափարներն ու միտումները և հանդիսանում է այն հարթակը, որը միավորում է ինչպես ճանաչված գիտնականներին, այնպես էլ երիտասարդ հետազոտողներին։ Այս տարիների ընթացքում մենք առաջնորդվել ենք այն սկզբունքով, որ որակը և բովանդակությունը քանակից կարևոր են», - նշեց Թամարա Վարդանյանը։
Շնորհավորական ուղերձով հանդես եկան նաև ժողովածուի խմբագրական խորհրդի անդամ, տնտեսագիտության դոկտոր, ԵՊՀ պրոֆեսոր, ՀՀ ԱԺ նախկին պատգամավոր Վարդան Բոստանջյանը, ՀՀ ԳԱԱ Քոթանյանի անվ. Տնտեսագիտության ինստիտուտի առաջատար գիտաշխատող, տ․գ․թ․ Ստեփան Պապիկյանը և ուսանողական գիտական ընկերության ներկայացուցիչ Էռնեստ Մանուչարյանը։
Շնորհանդեսի ավարտին խմբագրական խորհրդի անդամներին հանձնվեցին շնորհակալագրեր և հուշանվերներ՝ երկարամյա համագործակցության և ժողովածուի զարգացման գործում ունեցած ներդրումի համար։
Հիշեցնենք, որ Գ․Վ․ Պլեխանովի անվան Ռուսական տնտեսագիտական համալսարանի Երևանյան մասնաճուղի «Սոցիալ-տնտեսական զարգացման հիմնախնդիրներ․ որոշումներ, հեռանկարներ, լուծումներ» գիտական ժողովածուն ընդգրկված է ՀՀ ԲՈԿ-ի ցանկում, ինչպես նաև РИНЦ (գիտական հղման Ռուսաստանյան ինդեքս) շտեմարանում։
ՔՊ-ականներն ահաբեկում են անգամ անչափահասներին. «Հրապարակ»
«Հրապարակ». Հավաքին մասնակցելու համար ազատել են պաշտոնից
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
Իշխանությունների թիրախում են ակտիվ արցախցիները. «Հրապարակ»
«Մասկա օպերացիա». իրավապահները հրահանգ են ստացել. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...