Փաշինյանի նոր Սահմանադրությանն «այո» ասելով՝ կունենանք Հայաստանի ադրբեջանական ենթապետություն. Սուրեն Սուրենյանց

Փետրվարի 7-ին Հայաստանի Ազգային ժողովում Նիկոլ Փաշինյանը գաղտնազերծեց Ալիևի հետ «Խաղաղության պայմանագրի» շուրջ ձեռք բերված պայմանավորվածություններից մեկը։

«Այդ տեքստի մեջ կա մի համաձայնեցված հոդված, որտեղ ասվում է, որ կողմերը չեն կարող հղվել իրենց օրենսդրությանը՝ այս պայմանագրով ստանձնած որևէ պարտավորություն չկատարելու համար»,- ասել է Փաշինյանը՝ ի հեճուկս նրա, որ Հայաստանի որևէ ղեկավար չի կարող ստորագրել մի փաստաթղթի տակ, որը վեր կլինի երկրի Սահմանադրությունից։

168 TV-ի «Ռեվյու» հաղորդաշարի եթերում «Դեմոկրատական այլընտրանք» կուսակցության նախագահ Սուրեն Սուրենյանցը Փաշինյանի վերը նշված հայտարարությունը պայմանավորեց վերջինիս կողմից Ադրբեջանի հետ ունեցած և ընդդեմ Հայաստանի սեպարատ պայմանավորվածությունների համատեքստում։ Ընդդեմ Հայաստանի, որովհետև, ըստ Սուրենյանցի, Փաշինյանն Արևմուտքի և Ալիևի հետ պայմանավորվածությունների գալով՝ խնդիր ունի ոչ թե պաշտպանել հայկական շահը, այլ աշխատել ընդդեմ Ռուսաստանի, հետևապես, Հայաստանի Անկախության հռչակագրի չեղարկման ցանկության տակ ավելի խորքային բան է թաքնված, քան ներկայացվում է։

«Փաշինյանն օրերս մի անկեղծ խոստովանություն արեց Ազգային ժողովում։ Ասաց՝ Սահմանադրություն փոխելը պետք է ոչ թե Անկախության հռչակագրի, այլ՝ ավելի գլոբալ համատեքստում։ Փաշինյանի գերնպատակը «Խաղաղության պայմանագիր» ասվածը չէ. դա թյուր կարծիք է։ Նրա նպատակը Հայաստանի արտաքին քաղաքական փոփոխությունն է։ Կոդերով հենց այդ մասին էր խոսում, երբ ասաց, որ Եվրամիությունն արդեն մեր տարածաշրջանում է»,- ասաց Սուրենյանցը՝ ուշադրություն հրավիրելով այն հանգամանքի վրա, որ Նիկոլ Փաշինյանը սկսեց խոսել նոր Սահմանադրության մասին, երբ Հայաստան այցելեցին Արևմուտքի երեք էմիսարները՝ ԵՄ հատուկ ներկայացուցիչը, ՆԱՏՕ հատուկ ներկայացուցիչը և ԱՄՆ համանախագահը։

«Հարց՝ երբ Բաքուն է հրաժարվում արևմտյան հարթակներում բանակցելուց, ինչո՞ւ են նրանք գալիս Հայաստան։ Հիշեք, որ ականապատ 8 դաշտերի քարտեզներն Ադրբեջանին տալու հայտարարությունը և Հայաստանում նոր Սահմանադրություն ընդունելու մասին հայտարարությունը Փաշինյանն արել է արևմտյան այս պաշտոնյաների՝ Հայաստան գալուց հետո։

Ակնհայտ է՝ Արևմուտքը ցանկացած գնով է ցանկանում հասնել «Խաղաղության պայմանագրի»՝ ընդհուպ Հայաստանի նշաձողն իջնեցնելու։ Անդամահատված Հայաստանն էլ եթե լինի, Արևմուտքին դա հետաքրքիր չէ։ Նրանց շահերի ծիրում է՝ անել այնպես, որ Հարավային Կովկասում սահմանափակի Իրանի և Ռուսաստանի ազդեցությունը»,- ասաց Սուրենյանցը՝ մանրամասներ ներկայացնելով իշխանամերձ փորձագետներից մեկի հետ իր խոսակցություններից մեկից։

«Ինձ հասած տեղեկություններով՝ Փաշինյանը պլանավորում է նոր Սահմանադրության հանրաքվեն անցկացնել ՀԱՊԿ-ից դուրս գալու հարցով. Քաղաքացիներին ասելու են՝ կո՞ղմ եք ՀԱՊԿ-ից դուրս գալուն, Սահմանադրությանն ասեք՝ ԱՅՈ, եթե ԴԵՄ եք, ուրեմն՝ կողմ եք լինելու պատերազմին։

Նույնիսկ այդ պարագայում, սակայն, հաշվի առնելով Երևանի ավագանու ընտրությունների արդյունքերը, խիստ կասկածում եմ, որ Փաշինյանը կկարողանա հանրաքվե անցկացնել, ուստի մենք ամեն ինչ պետք է անենք, որ բանը հանրաքվեի չհասնի, պետք է տապալել գործընթացը, որ այն ԱԺ-ից դուրս չգա, որովհետև նոր Սահմանադրությանը տրված ԱՅՈ-ն նշանակելու է Հայաստանի ադրբեջանական ենթապետություն»,- ասաց Սուրենյանցը։

 Հարցազրույցի մանրամասները՝ տեսանյութում։

Դանակը ոսկորին է հասել, Փաշինյանը երկիրը մորթում է, ուժեղ դիմադրություն ենք ցույց տալու Ռուբլին էժանացել է․ փոխարժեքն՝ այսօր Հնարավոր են հաճելի անակնկալներ, նվերներ. փետրվարի 23-ի աստղագուշակ Օդի ջերմաստիճանն կնվազի 4-6 աստիճանով. ձյուն կտեղա՞ Տարադրամի փոխարժեքներն այսօր Ռուբեն Վարդանյանի նման մարդը, ով հսկայական գործեր է արել իր հայրենիքի համար՝ մինչև հիմա Բաքվի բանտում է․ Դավիթ Մանուկյան Ամերիաբանկի և BOGG-ի հաջող գործարքը կարող է էժան փողեր ու ներդրումներ բերել Հայաստան․ փորձագետ Օրերս լրացավ «ԱՊՐԵԼՈՒ» բարեգործական հիմնադրամի ստեղծման երկու տարին. Մարատ Գերասիմյան Կրթական ուղևորությունը դեպի ԱՄԷ հայ պատանի երաժիշտների համար ունեցավ մեծ հաջողություն Մյունխենում շահեցին բոլորը, բացի Հայաստանից. Մենուա Սողոմոնյան Արցախի իշխանությունների դեմ բռնաճնշումները գնալով ավելի են ուժգնանում ՌԴ անխոհեմ քայլը կարող է կրկին սրել հայ-ռուսական հարաբերությունները ԵՄ-ն և Հայաստանի իշխանությունները նոր հակառուսական նարատիվ են հորինել Նիկոլ Փաշինյանը մեկնել է Փարիզ՝ լեգիտիմացնելու ադրբեջանական սադրանքները Կասկածելի զանգվածներ՝ ձիթապտուղներում․ հանձնուք բերած քաղաքացին ձերբակալվել է Հրթիռային հարվածից հետո Եմենի ափերի մոտ նավ է բռնկվել ԶՊՄԿ-ի հերթական աջակցությունը արցախցիներին (տեսանյութ) Սպասվում է Էրդողանի և Զելենսկու հանդիպումը Միսաք եւ Մելինե Մանուշյանները ամփոփվում են Պանթեոնում՝ որպես հայ և ֆրանսիացի ժողովուրդների բարեկամության խորհրդանիշ Պեսկովը մեկնաբանել է Պուտինի հասցեին Բայդենի վիրավորանքները
website by Sargssyan