Ես պետք է դուրս գամ փողոց, այդ կոչումն ունեմ, որ փոխեմ այս իրավիճակը, պայքարել է պետք․ Բագրատ Սրբազան
Մեզ համար անհրաժեշտություն է այս չարիքի իշխանությանը հեռացնելը, ուրեմն նաև կդարձնենք հնարավոր, բոլոր հնարավոր տարբերակներով։ Իր ուղերձում այս մասին ասաց «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը:
«Ես ուզում եմ հիշեցնել անցյալ տարի այս օրը. ես անձնապես այդ իրավիճակի մեջ որոշում կայացրեցի ինձ համար, որ ես պետք է դուրս գամ փողոց, հրապարակ, չեմ կարող հանդուրժել սա, այս իրականությունը, և կոչումն ունեմ Աստծուց ինձ տրված, իմ ժողովրդից տրված, այս ծառայությամբ տրված, պատվով տրված, իմ ընկերների, եղբայրների, մեր բազում նահատակների հրավերով տրված, որ պետք է դուրս գամ փողոց՝ ներդնելու ամբողջ իմ ունեցածը, ջանքերը, կյանքը, ամեն ինչ այս իրավիճակը փոխելու համար» ,- հիշեցրեց Գալստանյանը:
Նրա խոսքով՝ իրենց հաջողվեց փողոցային պայքարը. «Եվ այո, հաջողվեց մեզ, հաջողվել է և շարունակելու է հաջողվել։ Եվ ես ուզում եմ դիմել՝ ասելով, որ ոչ մեկ չի թելադրել, ոչ մեկ չի ստիպել, ոչ մեկ չի համոզել, և ես էլ ոչ մեկին ոչ թելադրել, ոչ ստիպել, ոչ համոզել եմ որևէ կերպով, այլ դուրս եմ եկել և մինչև այսօր այդ պայքարի ճանապարհով շարունակում եմ՝ մի տեղ ուժեղ, մի տեղ տկար, մի տեղ բարակ, մի տեղ հաստ, մի տեղ կարճ, մի տեղ երկար, բայց այդ պայքարը եղել է, առանց որևէ մեկին ոչ պախարակելու, ոչ քննադատելու, ոչ ետ նայելու, ոչ առաջ նայելու, ոչ կողք, ոչ բարձրություն, ոչ խորություն, ոչ կալանք, ոչ մահ, ոչ մի բան, այլ մենակ մեկ գաղափար ու նպատակ: Մեզ տրված կոչումով, ինձ տրված կոչումով, ես կոչված եմ այս ազատագրության ճանապարհի մեջ մտնել, ի՞նչ կարգավիճակով, դա էլ նշանակություն չունի»-ասաց Գալստանյանը:
Նրա խոսքով՝ այս օրերին բազմաթիվ մարդիկ իրենց պատրաստակամությունն են հայտնել այս իրավիճակը փոխելու համար. «Կան այդ մարդիկ, և ես ուրախ եմ, որ կան։ Եվ մենք այո՛, առողջ վարդապետության մեր բարի պատերազմը պիտի պատերազմենք, այո՛, ստանալու համար փառքի պսակը, որովհետև ինչպես միշտ ասել եմ, դուք էլ շատ հաճախ լսել եք դա, որ ես անձնապես չեմ ցանկանում կյանքից հեռանալ նզովված, այլ ուզում եմ հեռանալ խաղաղ մտքով, երջանիկ հայացքով, Աստծո հետ հաշտ, մեր նահատակների հետ հաշտ, ինքս ինձ հետ հաշտ և օրհնված։
Դու՛ք էլ հարց տվեք ձեզ, պատրա՞ստ եք այդպես վարվելու, թե՝ ոչ։ Մտածելու՞ եք միայն այս ժամանակավոր փոքր տարածքի մասին, որտեղ այս կամ այն ձևով որևէ մեկը իր գոյությունը ապրում է կամ քարշ է տալիս և մտածեք այն հավիտենական փառքի պսակի մասին, որ կարող է տրվել քեզ, մեզ, բոլորիս՝ Աստծո օրհնության ներքո և մեր նահատակների վավերացմամբ։ Այո՛, ես անընդհատ խոսելու եմ մեր նահատակների մասին, որովհետև իրենք են իմ կյանքի ուղենիշը եղել։ Եվ այո, ինչպես ասել եմ, ասում եմ, մենք ազատագրական պայքարի մեջ ենք բարի պատերազմը պատերազմելու մղումով և դա՝ հաղթանակից բացի, ուրիշ վերջնարդյունք չունի։ Աստված զորացնի մեզ, օրհնի մեր ճանապարհը և այն, ինչ որ մենք մտածում ենք մեր կյանքի, մեր հայրենիքի ու պետության մասին, հնարավորությունն ու իրավունքը տա, առաջնորդությունը տա՝ լիուլի իրագործելու, և դա լինելու է։ Ես խոստացել եմ և անելու եմ», -եզրափակեց Գալաստանյանը:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը