Ֆասթ Բանկը 2024թ.-ն ամփոփել է բարձր ֆինանսական ցուցանիշներով
Ֆասթ Բանկը 2024թ․-ն ամփոփել է բարձր ֆինանսական ցուցանիշներով։ Նախորդ տարի Բանկի ընդհանուր ակտիվները կազմել են 276 մլրդ ՀՀ դրամ՝ աճելով 136%-ով (բացարձակ աճը՝ 159 մլրդ ՀՀ դրամ): Համախառն վարկային պորտֆելը հասել է 221 մլրդ ՀՀ դրամի՝ ավելանալով 147% (բացարձակ աճը 131 մլրդ ՀՀ դրամ), որից 39%-ը՝ սպառողական, 28%-ը՝ hիփոթեքային, 30%-ը՝ կորպորատիվ և 3%-ը՝ լիզինգ։
Ֆասթ Բանկում դրական ցուցանիշ է արձանագրվել նաև ավանդային պորտֆելում, նախորդ տարի Բանկում ներգրավված ավանդներն աճել են 330%-ով և կազմել 147 մլրդ ՀՀ դրամ (բացարձակ աճը՝ 113 մլրդ ՀՀ դրամ), ինչը վերահաստատում է Ֆասթ Բանկի վստահելիությունը։
Սրան զուգահեռ, 229%-ով աճել են Բանկի պարտավորությունները՝ կազմելով 207 մլրդ ՀՀ դրամ (բացարձակ աճը՝ 144 մլրդ ՀՀ դրամ)։ 2024 թվականին Բանկի պարտատոմսերը կազմել են 13 մլրդ ՀՀ դրամ՝ աճելով 129%-ով (բացարձակ աճը՝ 7 մլրդ ՀՀ դրամ)։
Նախորդ տարում Ֆասթ Բանկի ընդհանուր կապիտալը կազմել է 69 մլրդ ՀՀ դրամ՝ աճելով 28% (բացարձակ աճը՝ 15 մլրդ ՀՀ դրամ), իսկ Բանկի ընդhանուր շահույթը կազմել է 5 մլրդ ՀՀ դրամ։
Ֆասթ Բանկն առաջնորդվում է հաճախորդակենտրոն քաղաքականությամբ, ըստ այդմ՝ նախորդ տարում վերաբրենդավորել է 31 մասնաճյուղ, բացել է երկու մասնաճյուղ. Երևան քաղաքում` «Հին Նորքը» և Գյումրիում` «Անի» մասնաճյուղը։
Ըստ staff.am-ի ՀՀ աշխատաշուկա 2024 զեկույցի՝ Ֆասթ Բանկը ֆինանսաբանկային ոլորտի ամենախոշոր և ամենաակտիվ գործատուների առաջին հորիզոնականում է, Բանկում աշխատում են հազարից ավելի մասնագետներ։
Հավելենք նաև, որ 30%-ով աճել է Ֆասթ Բանկի կողմից ՀՀ պետական բյուջե գանձվող հարկը՝ հասնելով 4 մլրդ ՀՀ դրամի։ ՀՀ ՊԵԿ-ի կողմից հրապարակված 1000 խոշոր հարկ վճարողների ցանկում Ֆասթ Բանկը 74-րդ հորիզոնականում է։
Ֆասթ Բանկը, ֆինանսական դրական ցուցանիշներին զուգահեռ, նախորդ տարում մեծացրել է աջակցությունն ուղղված Հայաստանի սոցիալ-մշակութային ոլորտին։ Ֆասթ Բանկի օժանդակությամբ կայացել են բազում բարեգործական համերգներ, շախմատի միջազգային մրցաշար, Բանկը թևակցել է դասական համերգների իրականացմանը, ներդրումներ է կատարել Հայաստանի մշակութային վայրերի՝ հատկապես թատրոնների ենթակառուցվածքների արդիականացման մեջ և այլն։
Ֆասթ Բանկը թվային բանկ դառնալուն միտված ընկերություն է, որը 24/7 աշխատանքային գրաֆիկով ներկայացված է Հայաստանի բոլոր մարզերում։ Ի դեպ, Ֆասթ Բանկն այսուհետ հանդես է գալիս նոր պաշտոնական կայքէջով, որը թույլ է տալիս հաճախորդներին ավելի հեշտ և արագ փորձառություն ունենալ տեղեկատվություն փնտրելիս։ Ֆասթ բրենդը նախորդ տարի տոնել է ստեղծման 30-ամյակը:
Ֆասթ Բանկը վերահսկվում է ՀՀ Կենտրոնական բանկի կողմից։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը