Ակբա բանկը ներկայացրել է Հայաստանում առաջին «խոսող» քարտերը
Ակբա բանկը մեկնարկել է Մարտիրոս Սարյանի «Հայաստան։ Պաննո»-ի պատկերով Visa Signature Limited Edition քարտերի թողարկումը։
Սահմանափակ՝ 500 բացառիկ օրինակով թողարկված պրեմիում քարտերը առաջինն են Հայաստանում, որոնց համար կիրառված են իննովացիոն AR տեխնոլոգիաներ։
Ակբա բանկի և Visa վճարահաշվարկային ընկերության նոր ու բացառիկ նախաձեռնությունը մեկտեղում է հայկական արվեստը, իննովացիոն տեխնոլոգիաներն ու բանկային նոր փորձառությունը՝ հնարավորություն ստեղծելով նորովի բացահայտել հայկական մշակութային հարստությունը։
Ակբա բանկը «Հայաստան» համահայկական հիմնադրամի և Arloopa ընկերության հետ համագործակցությամբ նաև «կենդանացրել» է Մարտիրոս Սարյանի «Երևանյան բակ գարնանը», «Դեպի աղբյուր», «Ջրհորի մոտ։ Շոգ օր», «Պարսկաստան» և «Ինքնադիմանկար. երեք հասակ» կտավները, ինչպես նաև VR տեխնոլոգիայի կիրառմամբ ներկայացրել «Հայաստան։ Պաննո»-ն։
«Գաղափար առաջացավ «կենդանացնել» Սարյանի կտավները, որոշվեց նաև թողարկել քարտ, որը կկրի Սարյանի գործերի արտապատկերները։ Մեր ընտրությունը անմիջապես կանգնեց «Հայաստան։ Պաննո»-ի վրա, որովհետև այն շատ լավ է բնութագրում մեր հայրենիքը և համարվում է Սարյանի երկարամյա ստեղծագործական կյանքի լավագույն աշխատանքներից մեկը»,- նշել է Ակբա բանկի գլխավոր գործադիր տնօրեն Հակոբ Անդրեասյանը։
«Ակբա բանկը տարիներ շարունակ եղել է արվեստի կողքին ու հիմա էլ շարունակում է այդ ուղղությունը՝ որպես սոցիալական պատասխանատվության ամենակարևոր ուղղություններից մեկը։ Ցանկացանք այնպիսի աշխատանք կատարել, որը կհանրայնացնի ու կհանրահռչակի սարյանական արվեստը»,- նշել է Ակբա բանկի մանրածախ բիզնեսի տնօրեն, գլխավոր գործադիր տնօրենի տեղակալ Արսեն Մելքոնյանը։
Visa Signature Limited Edition քարտերը բացառիկ հնարավորություններ են ընձեռում մշակույթի և ճանապարհորդության սիրահարների համար. աշխարհի տարբեր թանգարաններում մուտքի առավելություն, մեկ հյուրի հետ անսահմանափակ քանակությամբ անվճար այց Մարտիրոս Սարյանի տուն-թանգարան, աշխարհի 1300-ից ավելի օդանավակայաններում առանձնացված սպասասրահների անվճար մուտք, ճանապարհորդական ու գնումների ապահովագրություն և այլն։
Visa Signature Limited Edition քարտի մասին ավելին կարող եք իմանալ այստեղ։
Visa Signature Limited Edition քարտը կարող եք պատվիրել այստեղ։
Visa Signature Limited Edition քարտը սկանավորելու, ինչպես նաև Մարտիրոս Սարյանի տուն-թանգարանում վերոնշյալ կտավներին AR փորձառության միջոցով ծանոթանալու համար ներբեռնեք Arloopa հավելվածը։
Մարտիրոս Սարյանի տուն-թանգարանի այցելուները VR փորձառությանը կկարողանան ծանոթանալ ապրիլից։
Ակբա Բանկը վերահսկվում է ՀՀ ԿԲ կողմից։
Մանրամասն՝ տեսանյութում։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը