Արևմտամետները նոր խնդիրներ են հարուցում Փաշինյանի համար
Ազգային ժողովի Եվրաինտեգրման հանձնաժողովը դրական եզրակացություն է տվել Եվրամիության անդամակցության մեկնարկի մասին օրինագծին։ Հարցը 2-րդ ընթերցմամբ քննարկելու համար ներառվել է այսօր մեկնարկող նիստերի օրակարգում։ Մարտի 3-ի նիստում օրինագծի քվեարկությունը հետաձգվել էր, ըստ օրինագիծը ներկայացնող «Եվրաքվե»-ի ներկայացուցիչների և ԱԺ քպական պատգամավորների, ընթացակարգային խնդիրների պատճառով։ Թերևս այն ժամանակ խոսակցություններ տարածվեցին, որ իշխանությունն ինքը փորձում է հետաձգել նախագծի քննարկումը 2-րդ ընթերցմամբ, քանի որ դրա ընդունումը նոր խնդիրներ է հարուցելու հայ-ռուսական հարաբերություններում, մինչդեռ գործող իշխանությունները վերջին շրջանում փորձում են կարգավորել հարաբերությունները Մոսկվայի հետ, բայց այս անգամ էլ ստիպված են եղել տեղի տալ Արևմուտքի ճնշումներին և հարցը ներառել օրակարգում, ընդ որում, գրեթե վստահաբար` ՔՊ-ն ամբողջական կազմով կողմ է քվեարկելու այս նախագծին, որից հետո այն օրենքի ուժ է ստանալու։
Ինչպես և Հռոմի ստատուտի դեպքում, որն արժանացավ Ռուսաստանի բուռն դժգոհությանը, այս օրինագիծը ևս խնդիրներ է հարուցելու։ Բնական է, որ օրինագիծը ներկայացնող և դրա համար գրեթե 60 հազար ստորագրություն հավաքած «Եվրաքվե»-ի հաստիքային արևմտամետներին հարմար է հայ-ռուսական հարաբերությունների փչացման հերթական ակտը։ Բայց արդյո՞ք դա բխում է Հայաստանի և գործող իշխանությունների շահերից։
Մինչդեռ Փաշինյանի իշխանությունը պրակտիկորեն որևէ հնարավորություն չունի դեմ քվեարկելու օրինագծին, Արևմուտքի իրենց հովանավորները որևէ կերպ չեն հասկանա նման վերաբերմունքը, ուստի և Փաշինյանը գտնվում է երկու քարի արանքում, որտեղից հարվածներ է ստանալու, իսկ իրեն ու իր թիմին նա հենց ինքն է գցել նման ծանր վիճակում և ստիպված է առնվազն կատարել տվյալ պահին ավելի ուժեղ աշխարհաքաղաքական կենտրոնի հրահանգները։
Մերի Գրիգորյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը