Մենք արդեն հարմարվել ենք կրակnցներին․ ի՞նչ է կատարվում Սյունիքում
«Ի՞նչ է կատարվում Սյունիքում». երեկ գիշեր այս հարցը ամենաշատն էր տրվում սոցիալական ցանցերի հայկական տիրույթում։ Օգտատերերը տեսանյութեր էին տարածում՝ նկարահանված Գորիս քաղաքի բնակելի հատվածից, որի դիմահայաց ադրբեջանական դիրքերից կրակում են։
MediaHub-ը կապ հաստատեց գորիսեցի Կարեն Մանուչարյանի հետ։ Վերջինս հավաստիացրեց, որ ինչպես գիշերը, այնպես էլ այսօր առավոտյան թե՛ քաղաքը և թե՛ դիրքերում հանգիստ է։
«Այդ տեսանյութերն, այո՛, նկարահանվել են Գորիսից։ Մենք արդեն հարմարվել ենք կրակոցներին։ Հաճախ դրանք մոտ են հնչում, հաճախ խորքում՝ իրենց մոտ։ Չեմ ասում, թե ամեն ինչ կատարյալ է։ Այն պահից, երբ ադրբեջանցիները սկսեցին մեղադրել հայերին իբրև թե հրադադարի ռեժիմը խախտելու համար, նույն օրվանից իրենց կողմից մեր դիրքերի ուղղությամբ կամ ընդհանրապես անկանոն կրակոցները շատացել են»,- ասաց նա։
Ըստ մեր զրուցակցի՝ ադրբեջանական կրակոցներն ավելի լսելի են Խնածախ, Խոզնավար գյուղերից, քանի որ հայ-ադրբեջանական շփման գծին ավելի մոտ են։ Ավելի ինտենսիվ կրակոցները լսելի են Գորիսի Վերիշեն և Կալեր բնակավայրերից։
«Ամեն դեպքում մեր մոտ հանգիստ ա, խուճապ չկա։ Միայն գիշերվա ուշ ժամերին, երբ սկսում են կրակել, երեխաներն են վախենում»,- հավելեց մեր զրուցակիցը։
Հիշեցնենք, որ երեկ տարածվող տեսանյութերի ու խուճապային տրամադրությունների ֆոնին՝ ՀՀ պաշտպանության նախարարությունը մի անհեթեթ հայտարարություն տարածեց, թե Հայաստան–Ադրբեջան սահմանագծի երկայնքով երբեմն արձանագրվում են կրակոցներ, որոնք չեն թիրախավորում ՀՀ տարածքը։ Այս հայտարարությունը ավելի շատ բորբոքեց հանրության շրջանում կրքերը:
Հունան Թադևոսյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է