Հունգարիան դուրս կգա Միջազգային քրեական դատարանից

Հունգարիայի արդարադատության նախարար Բենս Տուզսոնին անցյալ շաբաթ դեսպանների հետ փակ հանդիպման ժամանակ հայտարարել է, որ Հունգարիան դուրս կգա Միջազգային քրեական դատարանից (ՄՔԴ), գրել է «Ազատ Եվրոպան»։

Դեսպանների հանդիպումը, որոնց նախարարը տեղեկացրել է Բուդապեշտի մտադրությունների մասին, տեղի է ունեցել հատուկ հանգամանքներում։

Մի քանի աղբյուրների համաձայն՝ սենյակում օգտագործվել են դեմքի ճանաչման ծրագրային ապահովման տեսախցիկներ՝ ապահովելու համար, որ ներկա են եղել միայն հրավիրված հյուրերը: