Մեծ Բրիտանիայում արևային էներգիայի արտադրությունը հասել է ռեկորդային 12,2 ԳՎտ-ի
Մեծ Բրիտանիայի արևային էլեկտրակայաններն արտադրել են ռեկորդային 12,2 ԳՎտ էներգիա։ Վերականգնվող էներգիայի արտադրության աճի ֆոնին Եվրոպայում էլեկտրաէներգիայի մեծածախ գները նվազում են։ Այս մասին տեղեկացրել է Bloomberg գործակալությունը՝ հղում կատարելով Ազգային էներգահամակարգի օպերատորին (NESO):
Օպերատորի տվյալներով՝ Մեծ Բրիտանիայի արևային էլեկտրակայանները 2025 թվականի ապրիլի 1-ին՝ ժամը 12:30-13:00-ին, արտադրել են 12,2 ԳՎտ արևային էներգիա։ Այս ցուցանիշն ապագայում կարող է ավելի բարձրանալ՝ արևային պանելների քանակի ավելացման և տաք եղանակի շնորհիվ։
Նշվում է նաև, որ Եվրոպայում վերականգնվող էներգիայի արտադրության աճը շարունակում է ազդել էլեկտրաէներգիայի մեծածախ գների վրա՝ դրանք նվազեցնելով։ Օրինակ՝ Ֆրանսիայում գներն իջել են մինչև մինուս 413 եվրո/ՄՎտժ (445 ԱՄՆ դոլար/ՄՎտժ): Մեծ Բրիտանիայում գները նվազել են մինչև մինուս 1,8 ֆունտ ստերլինգ/ՄՎտժ (2,33 ԱՄՆ դոլար/ՄՎտժ):
Հիշեցնենք, որ 2025 թվականի մարտի սկզբին հաղորդվել էր, որ Եվրոպայում արևային էլեկտրակայաններում էներգիայի արտադրության ավելացման և առաջարկի ծավալի գերազանցման պատճառով արդեն նկատվել է էլեկտրաէներգիայի գների նվազում։ Այսպես՝ Epex Spot բիրժայում 1 ՄՎտժ-ի գինը կազմել է մինուս 17,73 եվրո:
Անցած ամսվա սկզբին Մեծ Բրիտանիայում արևային էներգիայի արտադրությունը հասել էր 9 ԳՎտ-ի։ Այդ պահին այդ ծավալն առավելագույնն էր 2024 թվականի սեպտեմբերի 18-ից սկսած:
Նշենք, որ 2024 թվականի արդյունքներով ԵՄ երկրներում արևային էլեկտրակայանների հզորությունն աճել է 22 %-ով և հասել 304 ՏՎտժ-ի։ Միևնույն ժամանակ, Ember-ի տվյալներով, ածուխով աշխատող ՋԷԿ-երից էլեկտրաէներգիայի արտադրությունը նվազել է 16 %-ով՝ հասնելով 269 ՏՎտժ-ի։ Այս ցուցանիշները համապատասխանում են համաշխարհային հանրության՝ ավանդական էներգառեսուրսներից հրաժարվելու ձգտմանը:
Եվրոպան ձգտում է հրաժարվել վառելիքային էներգիայի սպառումից և արտադրությունից, ինչպես նաև հասնել ածխածնի չեզոքության մինչև 2050 թվականը։ Սակայն, եթե վերականգնվող էներգիայի արտադրության համար հարմար պայմաններ չլինեն, երկրները ստիպված կլինեն վերադառնալ ավանդական էներգառեսուրսների օգտագործմանը։
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը