Ոչ թե օդ են կրակում, այլ հաճախ հենց դիրքերի վրա․ ինչպե՞ս է Ադրբեջանը սադրում հայկական կողմին
Ադրբեջանը տևական ժամանակ է՝ ամենօրյա ռեժիմով կեղծ հաղորդագրություններ է տարածում, թե իբր հայկական կողմը կրակ է բացել ադրբեջանական դիրքերի ուղղությամբ։ Ակնհայտ է, որ այս սադրանքները միտված են հող նախապատրաստելու հերթական ռազմական էսկալազիայի, այն է՝ Ադրբեջանի կողմից ՀՀ սուվերեն տարածքների վրա հարձակման համար։
Բացի այս հաղորդագրությունները, ադրբեջանական զինուժը նաև պարբերաբար կրակում է հայկական դիրքերի ուղղությամբ կամ հենց դիրքերի վրա, որոնց մասին վերջին օրերին նաև համացանցում աղմուկ բարձրացավ, և մեր պաշտպանական գերատեսչությունը ստիպված եղավ պարզաբանում ներկայացնել դրա վերաբերյալ։ Ըստ ՊՆ-ի տարածած պարզաբանման՝ սահմանագծի երկայնքով երբեմն արձանագրվում են անկանոն, ոչ թիրախային կրակոցներ, և իրենք հրադադարի ինտենսիվ, էական կամ նպատակային ու թիրախային խախտումների դեպքում հանդես են գալիս պաշտոնական հաղորդագրություններով։ Կարճ ասած՝ ՊՆ-ից ասում են, որ օդ են կրակել, ոչ թե թիրախավորված մեր դիրքերին ու բնակավայրերին։
MediaHub-ի աղբյուրները, սակայն, պնդում են, որ ադրբեջանական կողմը իրականում, լավ էլ դիրքերի վրա է կրակում, ընդ որում՝ թիրախավորված հարվածներ է հասցնում հենց ժամկետային զինծառայողների պահած դիրքերի վրա։ Ու կրակում են ոչ միայն հասարակ ավտոմատով, այլ՝ գնդացիրով և այլ նմանատիպ զինատեսակներով․ միայն նռնականետ չեն օգտագործում։ Բայց մեր ՊՆ-ից ասում են, թե օդ են կրակում։ Ու քանի որ մեր զինվորներն էլ այս սադրանքներին պատասխանելու հրաման չունեն, հակառակը՝ հրաման ունեն ոչ մի դեպքում չպատասխանել, ստիպված լռում են: Ինչը, սակայն, Ադրբեջանին չի խանգարում գրեթե ամենօրյա ռեժիմով խոսել հայկական կողմի սադրանքներից, մինչդեռ սադրողն ու հրահրողը հենց իրենք են։
Ավելին, մեզ ասացին՝ ադրբեջանցիները դռոն են թռցնում մեր դիրքերի մոտ ու սկսում են կրակել անդադար, հրահրելով, որ հայկական կողմից որևէ պատասխան կարկոց լինի ու դա կարողանան ֆիքսել ու ներկայացնել որպես հայկական կողմից ոտնձգություն իրենց նկատմամբ։
Իսկ մեր Պաշտպանության նախարարությունը շարունակում է լղոզել ադրբեջանական ագրեսիայի այս դրսևորումներն ու մարդկանց համոզել, թե՝ «օդ են կրակում», մինչդեռ անգամ սահմանամերձ գյուղերի բնակիչներն են իրենց տների տանիքներին նկատում ադրբեջանական կրակոցների հետքերը։
Վահե Մակարյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է