«Երաժշտություն հանուն ապագայի» և Վլադիմիր Սպիվակովի հիմնադրամների կրթաթոշակառուները հանդիսատեսին կներկայանան համատեղ համերգով
Ապրիլի 30-ին՝ ժամը 19։30-ին, «Առնո Բաբաջանյան» համերգասրահում տեղի կունենա «Հնչեղ ապագա» խորագրով համերգը՝ «Երաժշտություն հանուն ապագայի» հիմնադրամի և Վլադիմիր Սպիվակովի միջազգային բարեգործական հիմնադրամի կրթաթոշակառուների մասնակցությամբ: Համերգը կազմակերպվում է «Մոսկվայի տուն» մշակութային գործարար կենտրոնի աջակցությամբ։ Իսկ տոմսերի վաճառքից ստացված ողջ հասույթը կուղղվի «Երաժշտություն հանուն ապագայի» հիմնադրամի տաղանդավոր երաժիշտների համար իրականացվող կրթական ծրագրերին: Այս համերգը ևս մեկ կարևոր քայլ է մասնագիտական բարձունքների ձգտող երիտասարդ երաժիշտների ստեղծագործական զարգացման և մշակութային փոխանակման ուղղությամբ։
«Հնչեղ ապագա» համերգը «Երաժշտություն հանուն ապագայի» և Վլադիմիր Սպիվակովի միջազգային բարեգործական հիմնադրամների առաջին համագործակցությունը չէ: Տարիներ ի վեր ձգվող ջերմ ընկերության ու սերտ համագործակցության արդյունքում տաղանդավոր հայ երիտասարդները ելույթ են ունեցել բազմաթիվ բեմերում, կյանքի են կոչվել մի շարք համատեղ ծրագրեր: Իսկ հիմքում եղել է ամենակարևոր գաղափարը՝ երաժշտության միջոցով կամրջել մշակույթներն ու սերունդները։
«Հնչեղ ապագա» համերգին ներկա գտնվելու առաջին քայլը տոմսեր ձեռք բերելն է: Տարբերակները մի քանիսն են՝ Առնո Բաբաջանյան համերգասրահի տոմսարկղ, www.tomsarkgh.am, ticketon.am, eventhub.am հարթակներ: Մասնակից դառնալով այս համերգին՝ հանդիսատեսը տուն կվերադառնա դրական էմոցիաներով, բայց ամենակարևորը՝ նա այս կերպ կաջակցի տաղանդավոր երաժիշտներին կյանքի կոչել իրենց երազանքները և կրկին հանրահռչակել Հայաստանի Հանրապետությունն ու նրա մշակույթը:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը