Իշխող վարչախմբի փորձերը՝ նսեմացնելու Հայոց Ցեղասպանությունը, Հայաստանի և Հայ ժողովրդի դեմ անթույլատրելի ոտնձգություն են․ ՀայաՔվե
«ՀայաՔվե» ազգային քաղաքացիական միավորումը Օսմանյան կայսրության իրականացրած Հայոց Ցեղասպանության 110-րդ տարելիցին ոգեկոչում է մեր բոլոր սուրբ նահատակների հիշատակը և իր վճռականությունն է հայտնում՝ շարունակելու պայքարը Հայոց Ցեղասպանության համապարփակ միջազգային ճանաչման, դատապարտման և մեր ազգային ու մարդկային ոտնահարված իրավունքների վերականգման համար։
«ՀայաՔվե» միավորումը, հավատարիմ իր որդեգրած գաղափարախոսությանը, հանդես է գալիս Հայոց Ցեղասպանության ժխտման կամ նրա պատմական նշանակությունը նսեմացնող ցանկացած փորձի դեմ։ Մասնավորապես, «ՀայաՔվե» միավորումը կտրականապես դեմ է ՀՀ իշխող վարչախմբի փորձերին՝ հրաժարվելու Հայոց Ցեղասպանության միջազգային ճանաչման և դատապարտման գործընթացից, և համարում է դա Հայաստանի և հայ ժողովրդի հավաքական անվտանգության և ազգային շահերի դեմ ուղղված անթույլատրելի ոտնձգություն։
Միևնույն ժամանակ, «ՀայաՔվե» միավորումը աջակցում է ՀՀ Ազգային ժողովում Հայոց ցեղասպանության մերժման կամ այն կասկածի տակ դնելու փորձերի քրեականացման վերջին նախաձեռնությանը՝ լինելով առաջինը, որը դեռևս 2023 թ․ նախաձեռնել էր նմանատիպ օրենսդրական գործընթաց։ Հիշեցնենք, որ 2023 թվականին Ազգային Ժողովի ՔՊ մեծամասնությունը, արհամարհելով «ՀայաՔվեի» ներկայացրած օրենքի նախագծին աջակցած 58 հազար քաղաքացիների կամքը, հրաժարվեց այդ հարցը նույնիսկ ԱԺ նիստերի օրակարգում ներառելուց։
«ՀայաՔվե» միավորումը շարունակելու է իր հետևողական պայքարը Հայոց Ցեղասպանության պատմական կարևորությունը նսեմացնող բոլոր փորձերի դեմ, ինչն արդեն հիմա իրական վտանգներ է ստեղծել դրա հնարավոր կրկնության համար։ Միայն Հայոց Ցեղասպանության համապարփակ միջազգային ճանաչումը, դատապարտումը և հայ ժողովրդի կրած ահռելի կորուստների հատուցումը կարող են հնարավորություն տալ կանխելու դրա հնարավոր կրկնությունները և կայուն խաղաղություն հաստատելու մեր տարածաշրջանում։
«ՀայաՔվե» ազգային քաղաքացիական միավորում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապանում ունենալու ենք վիեննական վալս. Սեւակ Ավանեսյան
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»