Ներքին Խոտանան գյուղը եւս ունեցավ իր նոր վարչական շենքը
Համայնքի ղեկավար Գևորգ Փարսյանի որդեգրած քաղաքականության և գյուղերի համաչափ զարգացմանն ուղղված ծրագրերի իրականացման արդյունքում համայնքի կարևոր հիմնախնդիրներից ևս մեկը լուծում ստացավ։ Այսօր՝ ապրիլի 19-ին, տեղի ունեցավ Ներքին Խոտանանի նոր վարչական շենքի բացման պաշտոնական արարողությունը, որը, գյուղացիների խոսքով, երկար սպասված և անհրաժեշտ նվեր էր։
Նորակառույց շենքի բացումն ազդարարել են Կապան համայնքի ղեկավարի տեղակալ Մարատ Հարությունյանը և Ներքին Խոտանան գյուղի վարչական ղեկավար Աշոտ Հովհաննիսյանը՝ կտրելով խորհրդանշական կարմիր ժապավենը։
Գյուղացիներին մատուցվող ծառայությունների որակի բարձրացման տեսանկյունից շենքի կառուցումը առաջնային նշանակություն ուներ, քանի որ նախկին շենքը գտնվում էր վթարային վիճակում և արդեն չէր ծառայում իր նպատակին։ Այդուհանդերձ, գյուղն այսօր ունի ամբողջովին նոր կառուցված ու վերանորգված շենք, որտեղ ստեղծված են անհրաժեշտ բոլոր պայմանները թե՛ աշխատակիցների հարմարավետ և արդյունավետ աշխատանքը կազմակերպելու, թե՛ ակումբ-գրադարան՝ երիտասարդների ու մեծահասակների առօրյան հետաքրքիր և հագեցած դարձնելու համար։
Տոնական օրը իրենց անկեղծ ու ջերմ կատարումներով՝ հայրենասիրական երգերով, պարով ու բանաստեղծություններով հիշարժան են դարձրել գյուղի պատանիները։
Շենքի կառուցումն ու տարածքի բարեկարգումը իրականացվել է 2022 թվականի սուբվենցիոն ծրագրի շրջանակում՝ համայնք-կառավարություն համաֆինանսավորմամբ՝ 43 մլն 153 հազար դրամ ներդրմամբ, որում համայնքի համաֆինանսավորման չափը կազմել է 17 մլն 261 հազար դրամ։ Իսկ գույքի ձեռքբերման հարցում համայնքին աջակցել է «Զանգեզուրի պղնձամոլիբդենային կոմբինատ» բարեգործական հիմնադրամը։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»