Այսօր էլ «Նեմեuիuը» շարունակվում է. Չալաբյան
«ՀայաՔվե» միավորումը «Նեմեսիսի» հուշարձանի մոտ կազմակերպել է մեր ազգային վրիժառուների հիշատակի ոգեկոչման հանդիսավոր արարողություն:
«Հայաքվե» նախաձեռնության համակարգող Ավետիք Չալաբյանն ասաց, որ մարդկության պատմության մեջ բազմաթիվ կոտորածներ են եղել, նաև հայ ժողովորդի պատմության ընթացքում, սակայն Հայոց ցեղասպանությունը պարզապես մարդկանց կոտորած չէր։
«Այն անկման եզրին գտնվող Օսմանյան կայսրության իշխանությունների կողմից մեթոդիկ պլանավորված, հսկայական մասշտաբներով, հրեշավոր դաժանությամբ իրականացված զանգվածային ոճրագորոություն էր՝ բնաջնջելու հայ ժողովրդին պատմական հայրենքից, «տեղ ազատելու», նրա տեղում ազգայնամոլական թուրքական պետության առաջացման համար»,- նշեց նա։
Չալաբյանն ընդգծեց, որ ոճրագործությունը մտահղացողները, կազմակերպիչներն ու իրականացնողները իրական անձինք էին, որոնք արժանի էին խստագույն պատժի, և նույնիսկ Օսմանյան կայսրության ռազմական դատարանը 1918-19 թթ. նրանցից 19-ի վերաբերյալ մահապատժի դատավճիռ է կայացրել, սակայն ոճրագործների մեծ մասը արդարադատությունից խույս են տվել, հեռացել այլ երկրներ։
«Այս պայմաններում է հղել «Նեմեսիս» գործողությունը, մարդկության պատմության մեծ մեծագույն ոճիրներից մեկի մեղավորների նկատաժմամբ սպասված արդարադաության իրականացումը։ Երիտթուրքական կառավարության եռապետները՝ Թալեաթը, Էնվերն ու Ջեմալը, նրանց հանցակիցները իրականում արդեն դատապարված հանցագործներ էին, որոնց նկատմամբ հայ մարտիկներն ի կատար ածեցին մարդկային ու երկնային պատիժը։ Իրենց այս սխրանքով նրանք վերականգնեցին մեր բոլորիս արժանապատվությունը, հավատը արդարադատության նկատմամբ, մեր իրավունքների համար պայքարելու կամքն ու վճռականությունը։
Այսօր էլ՝ «Նեմեսիսի» գործողությունից ավելի քան 100 տարի անց, նրա խորհուրդն ավելի քան արդիական է, քանի որ մեր ժողովուրդը կարիք ունի արդարության, մեր իրավունքներ, արժանապատվության վերականգնման։
Այսօր, երբ մեր ազգի դեմ նույն ցեղասպան հրեշների ժառանգները արյունալի արշավ են սկսել Արցախում, արդեն Հայաստանում, «Նեմեսիսի» հերոսների վառ հիշատակը մեզ պետք է տա ուժ, կորով, վճռականություն, համախմբվել ու շարունակել պայքարը մեր հիմնարար իրավունքների իրացման համար։
Այսօր էլ «Նեմեսիսը» շարունակվում է, սակայն այսօր մենք ոչ միայն պետք է պատժենք նորօրյա հանցագործներին, այլ հետևողական պայքարենք ողջ ծավալով վերականգնելու արդարությունը մեր ժողովրդի համար, երաշխավորելու նրա ազատ, արժանապատիվ կյանքի իրավունքը սեփական հայրենքում, նրա զարգացումը, հերոսացումը բարգավաճումը»,- ասաց Ա. Չալաբյանը։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»