Հայտնի է՝ մահվանից առաջ հաշվին ունեցած վերջին 220.000 դոլարը ում է փոխանցել Հռոմի պապը. Euro News

Մահից առաջ Հռոմի պապ Ֆրանցիսկոսը մոտ 220 հազար դոլար է փոխանցել Հռոմի անչափահասների բանտում գործող մակարոնի գործարանի վարկը մարելու համար, գրում է Euro News-ը։

Լրատվամիջոցի տվյալներով՝ այս գումարը գրեթե ամբողջությամբ պապի անձնական միջոցներն էին։

Բանտի ներսում գործող մակարոնի գործարանում աշխատում են անչափահաս դատապարտյալներ, և պապը ցանկացել է մահից առաջ օգնել նրանց՝ ազատելով ֆինանսական ծանր բեռից։

Հիշեցնենք, որ Հռոմի պապ Ֆրանցիսկոսը մահացել էր 2025 թվականի ապրիլի 21-ին՝ 88 տարեկանում։

Հրաժեշտի արարողությունը կայացել է ապրիլի 26-ին Վատիկանում։

Միջոցառմանը մասնակցել է մոտ 250 հազար մարդ, այդ թվում՝ ավելի քան 60 պետությունների և կառավարությունների ղեկավարներ։

Հետևեք մեզ՝ այստեղ