Տոնական համերգ Գյումրիում ՝ նվիրված Մեծ Հայրենականի 80-ամյակին
Մեծ Հայրենականի 80-ամյակի օրը Գյումրիում տեղի ունեցավ տոնական համերգ, որը կազմակերպել էին «Հաղթանակ 9/45» հայրենասիրական շարժումը և «Եվրասիա» ինքնավար ոչ առևտրային կազմակերպությունը: Միջոցառումը համախմբեց հարյուրավոր մարդկանց, ովքեր եկել էին հարգանքի տուրք մատուցելու հերոսներին, որոնց արիությունն ու տոկունությունը հիմք դարձան մեր խաղաղ կյանքի համար։
Միջոցառմանը ներկա էին ՌԴ գլխավոր հյուպատոսը Գյումրիում Իգոր Տիտովը և Գյումրիի Ռուսական Տան ներկայացուցիչները: Նրանք իրենց ելույթներում ընդգծեցին պատմական հիշողության պահպանման և ժողովուրդների մշակութային կապերի ամրապնդման կարևորությունը։
Համերգը ջերմ և հուզիչ երեկո դարձավ, լեցուն պատերազմի տարիների մեղեդիներով, որոնք ոգեշնչում էին, ուժ տալիս և լցնում մարդկանց սրտերը հույսով:
Երեկոյի ծրագրում ընդգրկված էին անվանի արտիստների ելույթները.
- Raff – «Qartez» խորիմաստ երգի հեղինակ, որի երաժշտությունը լի է խոր զգացմունքներով։
- Բարդ Ռուբեն Եղոյան – ներկայացրեց պատերազմի տարիների հուզիչ երգեր, որոնք փոխանցում են դարաշրջանի ոգին։
- Արթուր Աղաջանով – երեկոյի վարող և կատարող, ով առանձնացավ իր կենդանի ու արտահայտիչ կատարումով։
- «Շողեր» պարային անսամբլը – հանդես եկավ տոնական ժողովրդական պարերով։
- Երիտասարդ ասմունքողներ – ներկայացրին պատերազմի մասին բանաստեղծություններ՝ խորությամբ փոխանցելով քաջություն, հիշողություն, սեր և հաղթանակի ոգի։
Համերգը համախմբեց բոլոր նրանց, ովքեր հիշում են, հպարտանում ու ցանկանում են պահպանել սերունդների կապը երաժշտության, պոեզիայի և անկեղծ հույզերի միջոցով։
«Հաղթանակ 9/45» շարժումը և «Եվրասիա» ԱՆՕ-ն շնորհակալություն են հայտնում բոլոր մասնակիցներին և հյուրերին, ովքեր իրենց ներդրումն ունեցան պատմական հիշողության պահպանման և ավանդույթների շարունակման գործում։
Եվրասիա» ԻՀԿ-ն (ինքնավար ոչ առևտրային կազմակերպություն) նպաստում է միջազգային համագործակցության զարգացմանը։ Կազմակերպությունը իրականացնում է հումանիտար ծրագրեր, որոնք ուղղված են ավանդական արժեքների պահպանմանը և միջազգային հաղորդակցության զարգացմանը։ «Եվրասիա»-ն աջակցում է հասարակության համար կարևոր նախաձեռնություններին, հաղորդակցության հնարավորություն է ընձեռում տարբեր մշակույթների մարդկանց և իրականացնում նախագծեր կրթության, բժշկության և երիտասարդական փոխանակման ոլորտներում։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»