Զինծառայողների 40%-ը չի հաղթահարել ատեստավորման առնվազն բավարար գնահատականների շեմը. ինչից են հիմնականում թերանում նրանք
ՀՀ Զինված ուժերում մինչ օրս ատեստավորման մասնակցած զինծառայողների թիվը կազմում է 61 տոկոս: Այս մասին Tert.am-ի գրավոր հարցմանն ի պատասխան հայտնել են պաշտպանության նախարարությունից:
Tert.am-ը ահազանգեր էր ստացել զինծառայողներից, որ ՊՆ ատեստավորմանն այնպիսի պահանջներ են դնում, որ անհնար է դրանք հաղթահարելը: Նշենք, որ ատեստավորումը հաղթահարած զինծառայողների աշխատավարձը բարձրանում է:
Tert.am-ը գրավոր հարցմամբ դիմել է Պաշտպանության նախարարություն՝ պարզելու, թե զինծառայողների քանի՞ տոկոսն է մասնակցել ատեստավորմանը 2024-ի ընթացքում:
Նախարարությունից նաև հետաքրքրվել ենք՝ քանի՞ տոկոսը չի հաղթահարել ատեստավորումը, հիմնականում ո՞ր հատվածներում են խնդիրներ ունեցել զինծառայողները ատեստավորման ընթացքում:
«Ատեստավորմանը մասնակցած զինծառայողների 40 տոկոսը չի հաղթահարել առնվազն բավարար գնահատականների շեմը:
Հիմնականում ատեստավորման արդյունքների շեմը չեն հաղթահարել՝ ֆիզիկական պատրաստությունից՝ 24 տոկոսը, կրակային պատրաստությունից 11 տոկոսը, իսկ մասնագիտական և շարային պատրաստություններից 5 տոկոսը»,- պատասխանել են ՊՆ-ից:
Նշենք, որ դեռևս այս տարվա մարտի 21-ին ՀՀ պաշտպանության նախարար Սուրեն Պապիկյանն Ազգային ժողովում հայտարարել էր, որ ՀՀ ՊՆ-ում զինծառայողների ատեստավորման գործընթացին մասնակցել է շուրջ 13 հազար 500 զինծառայող, 57 տոկոսը ստացել է դրական գնահատական:
«Ատեստավորման արդյունքում զինծառայողների ընդհանուր դրամական նպաստը 205 հազարից դարձել է 470 հազար դրամ»,- ասել էր նախարարը:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը