«Երաժշտություն հանուն ապագայի» hիմնադրամի կրթաթոշակառու Հարություն Ասատրյանը և ծրագրի մասնակից Էդգար Մխիթարյանն արժանացել են 2-րդ կարգի մրցանակի Orbetello միջազգային դաշնամուրային մրցույթում
Իտալիայի Օրբետելլո քաղաքում ամեն տարի մայիսին անցկացվում է քաղաքի անունը կրող միջազգային դաշնամուրային մրցույթը։ Դրան մասնակցում են տաղանդավոր երաժիշտներ աշխարհի տարբեր անկյուններից։ Նրանց մասնագիտական կարողությունները գնահատում է պրոֆեսիոնալ հեղինակավոր միջազգային ժյուրին։ Սա հնարավորություն է երիտասարդների համար փորձելու սեփական ուժերը միջազգային հարթակներում և ճանաչելի դարձնելու իրենց երկիրը, ինչն արել են «Երաժշտություն հանուն ապագայի» հիմնադրամը ներկայացնող մեր տաղանդավոր պատանիները։
Հիմնադրամի կրթաթոշակառու, պատանի դաշնակահար Հարություն Ասատրյանը և ծրագրի մասնակից Էդգար Մխիթարյանը Orbetello միջազգային դաշնամուրային մրցույթում (մրցույթը հանրահայտ Ալինկ-Արգերիխ հիմնադրամի անդամ է) արժանացել են 2-րդ կարգի մրցանակի: Սա «Երաժշտություն հանուն ապագայի» հիմնադրամի կրթաթոշակառուների առաջին մասնակցությունը չէ Orbetello միջազգային մրցույթում։
2024 թ․-ին հիմնադրամի կրթաթոշակառու, պատանի դաշնակահար Էլեն Խաչիկյանը արժանացել է 1-ին մրցանակի:
2023 թ․-ին Արաքս Աշճյանն արժանացել է 2-րդ մրցանակի։
2022 թ․-ին Մարիա Ներսիսյանը ևս արժանացել է 2-րդ մրցանակի։
2019 թ․-ին հիմնադրված «Երաժշտություն հանուն ապագայի» հիմնադրամը հստակ քայլերով հարթում է տաղանդավոր երաժիշտների ճանապարհը։
Հիմնադրամի գործունեությունն ուղղված է կրթական հարթակ, ճիշտ միջավայր և միջազգային կապեր ստեղծելուն, ինչն անգնահատելի դեր է ունենում տաղանդավոր երաժիշտների մասնագիտական կայացման գործում։
Հիմնադրամի կրթաթոշակառուները ոչ միայն բարձր են պահում Հայաստանի Հանրապետության պատիվը, այլ նաև ջանք չեն խնայում էլ ավելի մասնագիտանալու ու կատարելագործվելու և նոր բեմեր նվաճելու ճանապարհին։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը