Կարեն Դեմիրճյանի թանգարանում բացվել է Մեծ հաղթանակի 80 ամյակին նվիրված ցուցադրություն
Կարեն Դեմիրճյանի թանգարանում բացվել է «Հերոսական էպոպեա» խորագրով ցուցադրություն՝ նվիրված Հայրենական Մեծ պատերազմում տարած մեծ հաղթանակի 80-ամյակին: Միջոցառումն անցկացվել է Թանգարանների միջազգային օրը կազմակերպված «Թանգարանային գիշեր» ակցիայի շրջանակներում:
Ցուցադրության են ներկայացվել պատերազմական տարիների արխիվային փաստաթղթեր, լուսանկարներ, նամակներ ռազմաճակատից,զինվորականների զենքեր, հանդերձանք և անձնական իրեր: Ցուցանմուշների մի մասը, որում ներկայացված է հայերի ներդրումը հաղթանակի գործում, տրամադրել է Երևանում Մոսկվայի տունը, ինչպես նաև «Մայր Հայաստան» ռազմական պատմության թանգարանը: 89-րդ հայկական դիվիզիայի 390-րդ հրաձգային գնդի հրամանատար Մխիթար Սիրունյանի շինելը և 261-րդ հրաձգային դիվիզիայի հրամանատար Ներսես Բալոյանի համազգեստը ցուցադրությանը տրամադրել են նրանց ժառանգները:
Թանգարանի տնօրեն Վահան Մամյանը, ողջունելով հյուրերին, ընդգծել է, որ Մեծ հաղթանակի 80 ամյակը ողջ առաջադեմ մարդկությունը նշում է ոչ միայն մայիսի 9-ին, այլև ամբողջ հոբելյանական տարվա ընթացքում: «Գաղտնիք չէ, որ այդ հաղթանակում անգնահատելի ավանդ են ունեցել նաև հայ ժողովուրդի պանծալի զավակները: Նման ցուցադրությունների կարևորությունն այն է, որ սա ոչ միայն հարգանքի տուրք է ռազմաճակատայիններին, այլև պատասխան է պատմական իրողությունները խեղաթյուրելու փորձերին»,- ասել է նա:
Մեծ հայրենականի պտմությկունը վերաշարադրելու անթույլատրելիության մասին խոսել են նաև Կարեն Դեմիրճյանի հիմնադրամի տնօրեն Թամարա Սիրունյանւը և Երևանում Մոսկվայի տան տնօրեն Հայկ Մելիքյանը: «Մենք իրավունք չունենք մոռանալ անցյալի դասերը: Հայրենական Մեծ պատերազմում տարած հաղթանակը ոչ միայն միլիոնավոր մարդկանց հերոսության և անձնազոհության խորհրդանիշն է, այլև սովետական գրեթե բոլոր ընտանիքների խորը վերքը: Մեր պարտքն է՝ փոխանցել պատմական ճշմարտությունը մեր սերունդներին, որպեսզի այլևս երբեք չկրկնվեն այդպիսի ողբերգությունները»,- ասել է Հայկ Մելիքյանը:
Ցուցահանդեսի բացմանը ներկա են գտնվել Հայաստանում ՌԴ դեսպանության, հասարակական կազմակերպությունների ներկայացուցիչներ, մշակույթի գործիչներ:
Այցելուներին նաև ցուցադրվել է «Նելսոն» վավերագրական ֆիլմը՝ որ պատմում է Սովետական միության կրկնակի հերոս, փառապանծ ռազմական օդաչու Նելսոն Ստեփանյանի մարտական ուղու մասին:
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...