«Հայաստան» համահայկական հիմնադրամը դարձել է «Ծնվել եմ Արցախում» կրթական ծրագրի աջակից
«Հայաստան» համահայկական հիմնադրամը դարձել է «Ծնվել եմ Արցախում» կրթական ծրագրի աջակիցը։ Այս կարևոր համագործակցությունը ստեղծում է կայուն հիմք ծրագրի շարունակական գործունեության համար՝ շարունակելու ապահովել որակյալ կրթություն և մասնագիտական աճ Արցախի պատանի երաժիշտների համար:
«Հայաստան» համահայկական հիմնադրամի աջակցությունը ևս մեկ անգամ հաստատում է, որ միայն միասնական և համախմբված ջանքերի շնորհիվ է, որ կարող ենք ստեղծել կայուն փոփոխություններ, կրթել սերունդներ և կերտել հաջողակ ապագա Արցախի երեխաների համար:
« Արցախից տեղահանված այս երեխաները պարզապես շնորհալի պատանիներ չեն. նրանք նաև ուժեղ բնավորությամբ մարդիկ են, որոնք արժանի են շարունակելու առաջ գնալ։ Երբ Սփյուռքը միանում է նման նախաձեռնություններին, մենք ստանում ենք ոչ միայն ֆինանսական աջակցություն, այլ՝ համախմբված ուժ, որը կարող է իսկապես փոխել երեխաների կյանքը։ «Հայաստան» համահայկական հիմնադրամի աջակցությունը մեզ մեծ վստահություն է տալիս՝ շարունակելու մեր ուղին, ընդլայնելու մեր առաքելությունն ու հավատը, որ Արցախի այս պատանի երաժիշտները պետք է ունենան զարգանալու և աշխարհին իրենց տաղանդով ներկայանալու հնարավորություն», — նշել է «Արվեստ23» ՀԿ նախագահ Աննա Տեր-Հովակիմյանը։
«Ծնվել եմ Արցախում» կրթական ծրագիրը մեծ հնարավորություն է Արցախից տեղահանված երիտասարդների համար՝ վերականգնելու իրենց երազանքները և վերաիմաստավորելու իրենց ապագան երաժշտության և կրթության ուժի միջոցով: Ծրագիրը, խթանելով իր մասնակից-երաժիշտների մուտքը միջազգային ասպարեզ, նպատակ ունի նրանց կենսագրություններում «Ծնվել եմ Արցախում» արտահայտությունը դարձնել ամենակարդացվողը աշխարհում՝ այդպիսով հանրահռչակելով Արցախի մշակութային ժառանգությունն աշխարհի ամենաբարձր բեմերում։
- -
«Ծնվել եմ Արցախում» կրթակա ծրագիրն իրականացվում է «Արվեստ23» ՀԿ-ի կողմից: Ծրագրի շրջանակում մասնակիցներն ունենում են մասնագիտական դասերի ոլորտի առաջատար մասնագետների կողմից, վարպետության դասեր՝ ապահովելու մասնագիտական աճ և զարգացում: Ծրագիրն առաջարկում է նաև օտար լեզուների բանավոր խոսքի զարգացման դասեր, թանգարանային այցեր՝ խորացնելու նրանց մշակութային ըմբռնումը, համերգային ելույթներ և հրավերներ Հայաստանի պետական սիմֆոնիկ նվագախմբի կողմից կազմակերպվող հայաստանյան համերգներին: Բացի այդ, ծրագիրը տրամադրում է նաև ֆինանսական աջակցություն:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Վաշինգտոնը Եվրոպայից կպահանջի վերադարձնել Ուկրաինային ռազմական օգնության համար տրամադրված գումարները
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
Արդարադատություն պատգարակի վրա. երբ պետական ապարատը վերածվում է անհոգի վրեժխնդրության գործիքի. «Փաստ...
«Ուրարտու» ֆուտբոլային ակումբը դատական գործընթացին ներգրավվում է որպես երրորդ կողմ․ հայտարարություն
«ՀայաՔվեն» Արցախի էջը փակված չի համարում. Արեգ Սավգուլյան