Եթե Իրանին hակամարտություն պարտադրվի, Թեհրանն առանց հաշվի առնելու կգրոhի Մերձավոր Արևելքում բոլոր ամերիկյան բազաները. ՊՆ ղեկավար
Եթե Իրանին հակամարտություն պարտադրվի, Թեհրանն առանց հաշվի առնելու կգրոհի այլ երկրներում գտնվող բոլոր ամերիկյան բազաները. նման հայտարարությամբ է հանդես եկել Իրանի Պաշտպանության և զինված ուժերի աջակցության նախարար Ամիր Նասիրզադեն լրագրողների խմբի հետ հանդիպման ժամանակ:
Ինչպես նշում է snn.ir կայքը, պաշտոնյան, անդրադառնալով ամերիկյան կողմի որոշ պաշտոնյաների սպառնալիքներին, ասել է. «Եթե համաձայնության գալը չհաջողվի, հակառակ կողմը զգուշացրել է, որ դա կհանգեցնի հակամարտության և արյունահեղության: Ես՝ Իրանի ազգի և զինված ուժերի անունից, ասում եմ.«Եթե Աստված կամենա, բանակցությունները կհասնեն ավարտի, և դա չի հանգեցնի հակամարտության, բայց եթե հակամարտությունը մեզ պարտադրվի, հակառակ կողմի զոհերը անպայման ավելի շատ կլինեն, քան մերը: Այդ դեպքում Ամերիկան պետք է լքի տարածաշրջանը, քանի որ նրա բոլոր բազաները մեր հասանելիության սահմաններում են։ Առանց հաշվի առնելու, մենք կգրոհենք այլ երկրներում գտնվող բոլոր ամերիկյան բազաները», - ասել է նա:
Պաշտոնյան հիշեցրել է, որ Իրանը մեծ հաջողություններ է ունեցել պաշտպանության հարցերում։
«Մեր վերջին հաջողությունը երկու տոննա կշռող մարտագլխիկով հրթիռի փորձարկումն էր, որը բարեհաջող իրականացվեց անցյալ շաբաթ»։
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է