Հրդեհ` Վաղարշապատ քաղաքում

Հունիսի 12-ին, ժամը 23:44-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վաղարշապատ քաղաքի Շահումյան փողոցում այրվում է գրասենյակ։ Այս մասին հայտնում են ՆԳՆ փրկարար ծառայությունից։

Դեպքի վայր են մեկնել ՆԳՆ ՓԾ մարզային և Երևան քաղաքի փրկարարական վարչությունների հրշեջ-փրկարարական ջոկատներից չորս մարտական հաշվարկ:

Պարզվել է, որ հրդեհը բռնկվել է գրասենյակի բակում՝ փայտե շինությունում (15 քմ) գտնվող  էլեկտրական վահանակում, այնուհետև հրդեհը տարածվել է շինությանը կից երկհարկանի տան տանիք (մոտ 200քմ):

Հրդեհը մեկուսացվել է հունիսի 13-ին ժամը 00։28-ին, մարվել՝ 01:10-ին։ Գրասենյակի բակում այրվել են փայտե շինություն՝ էլեկտրական վահանակով, և Շահումյան փողոցում գտնվող երկհարկանի տան տանիքի փայտե կառուցատարրերը՝ մասամբ (մոտ 80 քմ):

Հրշեջ-փրկարարները կանխել են հրդեհի տարածումը դեպի հարակից տան տանիք: