ՀՅԴ ՀԵՄ անդամ 18-ամյա Անդրանիկ Չամիչյանը 2 ամսով կալանավորվեց. փաստաբան

ՀՅԴ ՀԵՄ անդամ  18-ամյա Անդրանիկ Չամիչյանը 2 ամսով կալանավորվեց։ Այս մասին այսօր՝ հուլիսի 11–ին, դատարանի մոտ լրագրողներին հայտնեց փաստաբան Ռուբեն Մելիքյանը։

Հիշեցնենք, որ նախօրեին Ռուբեն Մելիքյանը դատական նիստից հետո լրագրողների հետ զրույցում նշել է. «Ես դատավորին խնդրեցի Անդրանիկի հարցաքննության տեսագրությունը դիտել, ինչը ներքին համոզմունք ձևավորելու համար շատ կարևոր է։ Թեև չգիտեմ՝ ներքին համոզմունք ձևավորելն այստեղ ամենաէակա՞ն հանգամանքն է, թե ոչ։ Բոլորդ էլ հասկանում եք, թե ինչ նկատի ունեմ։ Մենք ունենք հստակ վարկած, որ Անդրանիկի մոտ հայտանբերված իրերը Strikeball խաղի ատրիբուտներ են։ Ուզում եմ հատուկ շեշտել, որ իմ պաշտպանյալի մոտ հայտնաբերված որևէ իր ինքնին արգելված չէ։ Քննիչն էլ է հստակ դա ասում, բայց ասում է՝ բոլորն իրար հետ համակցության մեջ վկայում են ինչ–որ բանի մասին։ Քննիչին հարցնում եմ՝ ի՞նչ ահաբեկչություն էր նախապատրաստվում, պատասխան չեմ ստանում»,–ասաց Մելիքյանը։