Բոլորին անուն-ազգանուններով գիտեմ․ Սամվել Բաբայանը՝ Խորխոռունու սպшնnւթյшն գործով անցնողների մասին. Factor.am
ՀՀ քննչական կոմիտեն այսօր հայտարարեց՝ բացահայտվել է ՀՀ ՊՆ նախկին փոխնախարար Վահան Խորխոռունու սպանությունը։ Մամուլում հրապարակումներ կան, որ գործով անցնող անձանցից մեկը Արցախի նախկին ՊԲ հրամանատար Սամվել Բաբայանի անվտանգության խմբի ղեկավարն է եղել։
Թեմայի շուրջ Factor TV-ն զրուցել է Սամվել Բաբայանի հետ։
-Պարոն Բաբայան, ՔԿ-ն այսօր հայտարարեց, որ բացահայտել է ՊՆ նախկին փոխնախարար Վահան Խորխոռունու սպանությունը։ Մամուլում կան տեղեկություններ, որ գործով ձերբակալված անձը՝ Սասուն Առուշանյանը, Ձեր թիկնազորի պետն է եղել։ Ինչպե՞ս եք մեկնաբանում այս տեղեկությունը։
-Մենք դիմել էինք ՔԿ, քանի որ տեղեկություն էր շրջանառվում, թե Սամվել Բաբայանը սպանել է Խորխոռունուն և ևս չորս-հինգ հոգու։ Մենք դիմել էինք, որ քրգործ հարուցեին, որ տվյալ անձը, որ դրա մասին հայտարարել է, քննեն, հասկանանք։ Իրենք (նկատի ունի ՔԿ-ն) ասել են, որ գործն ընթացքի մեջ է, մենք տեղյակ ենք։ Քրգործ չեն հարուցել տվյալ անձի վրա։ Հիմա այս փուլն անցավ, այսօր առավոտ տալիս են, որ գործը բացահայտվել է, էսքան գումար են տվել պատվիրատուները, գործը կատարել են էս մարդիկ։ Ինչ վերաբերում է Սասունին, որ, իբր թե, իմ մոտ ախրանի պետ է աշխատել, ընդհնարապես ես ախրանա չեմ ունեցել, որ պետ ունենամ։ Նա եղել է շտաբի վաշտի ծառայող, «աֆիցեր»։ 1999 թվականի սեպտեմբերին այդ մարդուն գործից ազատել եմ, Հայաստանից եկել են իր հետևից, ձերբակալել, բերել են ՀՀ՝ քննության, ինչ-որ մութ գործով։ Ինձ որ ձերբակալում են, այդ մարդուն բաց են թողնում։ Ես հիմա մի բան կարող եմ ասել, որ իմ անունի հետ կապելը հանցագործություն է։ Ասում են՝ գումարը տվել են, պատվերը կատարել են։ Գումար տվողն ո՞վ է, պատվիրատոն ո՞վ է, անուն-ազգանունը տվեք։
-Պարոն Բաբայան, Դուք բացառո՞ւմ եք, որ, եթե անունը տան, Ձեր անունը չի հնչի։
-Իհարկե, բացառում եմ։ Անլուրջ հարց է, ինձ հետ ոչ մի կապ չունի և չի կարող ունենալ։ Ես պետական մարդ եմ, պետությունից եմ խոսում, Դուք՝ հանցագործներից։
-Իսկ Դուք ՔԿ-ի հայտնած անուններից միայն Սասուն Առուշանյանին եք ճանաչո՞ւմ, թե նաև մյուսներին։
-Ես անուն-ազգանուններով գիտեմ, թե ում մասին է խոսքը գնում։ Բոլորն իմ մոտ ժամանակին ձերբակալված են եղել։ Հրայր Նարիմանյանը Շուշիի բանտում նստած է եղել, սպայից զենքը գողացել է, կնոջ միջոցով դուրս է բերել։ Այդ մարդիկ բոլորն էլ իմ ժամանակ ձերբակալված են եղել՝ տարբեր հարցերով։
Մանրամասները՝ սկզբնաղբյուր կայքում։
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Դիլիջանի «արու» համայնքապետը որոշում է փոխել, որ պարգևավճար տա. «Ժողովուրդ»