Ամերիկաբնակ հայուհին Voice of the world-ում «Դասական երգ» կատեգորիայում զբաղեցրել է առաջին հորիզոնականը
ԱՄՆ-ում բնակվող երիտասարդ հայուհի Լուսիա Պապիկյանը մասնացել է Voice of the world միջազգային վոկալ մրցույթին և «Դասական երգ» կատեգորիայում զբաղեցրել առաջին հորիզոնականը:
Լուսիան 20 տարեկան է, ծնվել ու ապրում է ԱՄՆ Վալթհեմ քաղաքում, սովորում է Նյու Յորքի Ջուլիարդի երաժշտական դպրոցում՝ Դարել Բաբիջի ղեկավարությամբ: Ստանում է վոկալ խորհրդատվություն հայ բարիտոն Վաղարշակ Օհանյանից:
ShowBiz.am-ի հետ զրույցում նրա մայրը՝ Էմիլիան հայտնեց, որ երգչուհին մանուկ հասակում է եղել իր հայրենիքում, բայց միշտ ցանկություն է ունեցել գալ ու մասնակցել նման նախագծի. «Եվ Լուսիային բախտ վիճակվեց մասնակցել նախագծին: Նրա մենթորը՝ Վաղարշակ Օհանյանը, հայտնեց «Աշխարհի ձայն» մրցույթի մասին, որին մենք համաձայնեցինք մասնակցել և եկանք Հայաստան»:
Հուլիսի 25-ից 29-ին անցկացված Voice of the world փառատոնում երիտասարդ երգչուհին արժանացել է Դասական երգի առաջին մրցանակին և Դասական կատեգորիայի Գրան պրի մրցանակին:
Մրցույթին այս տարի մասնակցում էր շուրջ 70 հոգի՝ 22 երկրից՝ ներկայանալով վեց ժանրում: Voice of the world-ում առանձնացված է տարբեր տարիքային խմբեր՝ 5-12, 12-17 տարեկան և 18-ից մեծ: Լուսիան մրցում էր 18-ից բարձր տարիքային խմբում: Հաղթողներին որոշել է 9 հոգուց բաղկացած ժյուրին՝ տարբեր երկրներից՝ Բելառուս, Բուլղարիա, Մալթա, ԱՄՆ, Ֆրանսիա, Հայաստան:
«Մեր սպասումները մեծ էին ու արդարացան: Սա առաջին դեպքը չէ, որ Լուսիան արժանանում է նման մրցանակի, նա ԱՄՆ տարբեր նահանգներում ևս մասնակցել է մրցույթների և արժանացել է ժյուրիի բարձր գնահատականին»,- պատմեց երգչուհու մայրը՝ հավելելով, որ չափազանց ուրախ են, որ Լուսիան իր հայրենիքում կարողացավ ներկայացնել իր տաղանդն ու արժանվույն գնահատվել:
Հավելենք նաև, որ երգչուհին երկու մենահամերգով հանդես է եկել Կառնեգի Հոլի Վեյլ սրահում: 2023թ․ Սան Ֆրանցիսկոյում կայացած Classical Singer մրցույթում արժանացել է երկրորդ մրցանակի՝ «Վոկալ արվեստ» անվանակարգում: Ելույթ է ունեցել Ազնավուրին նվիրված միջոցառմանը՝ «The Philadelphia Club»-ում՝ Հայկական ժառանգության քայլերթի շրջանակում: 2025թ․ ապրիլին մասնակցել է Ջուլիարդի «Կարմելիտ քույրերի երկխոսություն»-ի բեմադրությանը:
Լուսիա Պապիկյանը ամերիկյան Protégé միջազգային ձայնային մրցույթի և American Fine Arts փառատոնի առաջին մրցանակակիր և ժյուրիի հատուկ մրցանակակիր է:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը