Բագրատ Սրբազանը դատի է տվել ՔՊ-ական պատգամավոր Վաղարշակ Հակոբյանին
Բագրատ արքեպիսկոպոս Գալստանյանը, որն ավելի քան մեկ ամիս կալանքի տակ է, հերթական հայցադիմումն է ներկայացրել ՔՊ-ականների դեմ՝ զրպարտության համար։ «Դատալեքս» համակարգում առկա տեղեկության համաձայն՝ Բագրատ Սրբազանն օգոստոսի 2-ին հայցադիմում է ներկայացրել Կոտայքի մարզի ընդհանուր իրավասության դատարան՝ ընդդեմ ՔՊ-ական պատգամավոր Վաղարշակ Հակոբյանի։ Այս մասին հայտնում է Pastinfo-ն։
Բագրատ Սրբազանը, առաջնորդվելով ՀՀ Սահմանադրության 61-րդ հոդվածի 1-ին մասով, 63-րդ հոդվածի 1-ին մասով և «Մարդու իրավունքների ու հիմնարար ազատությունների պաշտպանության մասին» Եվրոպական կոնվենցիայի 6-րդ հոդվածով, պահանջում է պարտավորեցնել Հակոբյանին՝ որպես ոչ նյութական՝ բարոյական վնասի փոխհատուցում բռնագանձել 3 միլիոն դրամ, որից 2 մլն-ն՝ զրպարտության, իսկ 1 մլն-ն՝ վիրավորանքի համար։ Հայցադիմումը երեկ երեկոյան մակագրվել է Կոտայքի մարզի ընդհանուր իրավասության դատարանի դատավոր Շուշանիկ Ավագիմյանին։ Այս պահին դեռևս առկա չէ տեղեկություն՝ հայցը վարույթ ընդունելու մասին։
Հիշեցնենք, որ Բագրատ Սրբազանն ավելի վաղ հայցեր է ներկայացրել Նիկոլ Փաշինյանի, նրա աշխատակազմի ղեկավար Արայիկ Հարությունյանի, «Քաղաղացիական պայմանագիր» խմբակցության պատգամավորներ Վահագն Ալեքսանյանի, Արթուր Հովհաննիսյանի, Արսեն Թորոսյանի, Հասմիկ Հակոբյանի, Առողջապահության նախարար Անահիտ Ավանեսյանի, «Հանրապետություն» կուսակցության նախագահ Արամ Սարգսյանի, Պետական վերահսկողության ծառայության նախկին պետ, այժմ՝ ՀԷՑ ժամանակավոր կառավարիչ Ռոմանոս Պետրոսյանի, քաղաքագետ Հարություն Մկրտչյանի, «Ժառանգություն» կուսակցության անդամ Ստյոպա Սաֆարյանի դեմ՝ զրպարտության և վիրավորանքի համար։ Սրբազանը յուրաքանչյուրից պահանջել է փոխհատուցում՝ բարոյական վնասի համար։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը