Իրանի կոշտ զգուշացումը Հայաստանի իշխանություններին
Մեղրիի ճանապարհի վերահսկողության արտապատվիրակման և տարածաշրջան ԱՄՆ-ին ներգրավելու՝ ՀՀ իշխանությունների ջանքերի ֆոնին, կանխատեսելի էր, որ պաշտոնական Թեհրանը չափազանց նյարդային կարձագանքի նման զարգացումներին։ Իրանի գերագույն հոգևոր առաջնորդի միջազգային հարցերով խորհրդական Ալի Աքբար Վելայաթին նախազգուշացում է հնչեցրել այսպես կոչված «Զանգեզուրի միջանցքի» վերաբերյալ՝ ընդգծելով, որ Իրանը խիստ կարձագանքի։
Նշելով, որ որոշ կառավարություններ հերթական անգամ, անտեսելով սեփական և տարածաշրջանի շահերը, բարձրացրել են «Զանգեզուրի միջանցքի» հարցը՝ Վելայաթին ընդգծել է, թե որոշ երկրներ փորձում են ներխուժել բոլոր հնարավոր դռներով՝ Հարավային Կովկասում առաջ մղելով իրենց ապօրինի նպատակները։ «Ցանկանում եմ հիշեցնել, որ ցանկացած կառավարություն՝ լինի տարածաշրջանից, թե դրսից, որը կփորձի կրկնել այս ձախողված փորձը, կբախվի Իրանի կոշտ արձագանքի»,– նշել է Վելայաթին։
Աշխատանքային այցով Թուրքմենստանի Թուրքմենբաշի քաղաքում գտնվող նախագահ Վահագն Խաչատուրյանը երեկ, «Դեպի ծով ելք չունեցող երկրների երրորդ համաժողովի» շրջանակում, հանդիպել է Իրանի փոխնախագահ Մոհամմադ Ռեզա Արեֆի հետ։ Վերջինս նշել է, որ Հայաստանը հատուկ տեղ ունի Իրանի Իսլամական Հանրապետության հարևանության քաղաքականության մեջ, և որ Թեհրան–Երևան հարաբերությունները հիմնված են ամուր և անխորտակելի հիմքերի վրա։ Միևնույն ժամանակ, իրանցի պաշտոնյան ընդգծել է, որ խաղաղությունը տարածաշրջանի բոլոր երկրների շահերից է բխում, և տարածաշրջանային խնդիրների լուծումը պետք է իրականացվի առանց օտարերկրյա պետությունների միջամտության։
Դիվանագիտական լեզվից թարգմանած՝ Իրանի փոխնախագահը ՀՀ իշխանություններին հստակ հասկացնում է. ԱՄՆ-ին Հարավային Կովկաս բերելով՝ Հայաստանը վտանգում է հայ-իրանական հարաբերությունները՝ դրանից բխող բոլոր հետևանքներով։
Նարե Պողոսյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը